Thursday, May 30, 2024

ကွတ်ခိုင်မြို့နယ်တွင် တိုက်ပွဲထပ်မံဖြစ်ပွား/ စစ်ကောင်စီဘက်မှ စစ်အင်အားထပ်ဖြည့်နေ

Must read

သျှမ်းပြည်မြောက်ပိုင်း ကွတ်ခိုင်မြို့နယ်တွင် အာဏာသိမ်းစစ်ကောင်စီ တပ်ဖွဲ့ နှင့် ကချင်လွတ်မြောက်ရေး တပ်မတော် ( KIA) တို့ တိုက်ပွဲထပ်မံဖြစ်ပွားပြီး စစ်ကောင်စီဘက်မှ စစ်အင်အားဆက်လက်ဖြည့်တင်းနေကြောင်း သတင်းသိရသည်။

ယမန်နေ့ (စက်တင်ဘာ ၉) ရက် ည ၆ နာရီကျော်မှ ၇ နာရီအထိ ကွတ်ခိုင်မြို့နယ် နမ့်ပါခီးလမ်းခွဲတွင် ထိတွေ့တိုက်ပွဲဖြစ်ပွားပြီး လက်နက်ကြီး / လက်နက်ငယ်များ ပစ်ခတ်မှုရှိခဲ့ကြောင်း အမည်မဖော်လိုသူ ဒေသခံအမျိုးသား တစ်ဦးက သျှမ်းသံတော်ဆင့် ကို ပြောသည်။

“သိန္နီ ဘက်ကနေလာတဲ့ စစ်ကောင်စီ စစ်ကား ၄၀ လောက်က နမ့်ပါခီးလမ်းခွဲနားမှာ ရှိတဲ့ KIA တပ်နဲ့တွေ့ပြီး တိုက်ပွဲဖြစ်တာ၊ ၁ နာရီ လောက်တိုက်ပွဲဖြစ်ပြီး ခဏရပ်သွားတယ်၊ အဲ့နောက် ၈ နာရီလောက်မှာတော့ အေးရှားဝေါ် တိုးဂိတ်နားမှာ ပစ်ခတ်သံတွေ ထပ်ကြားရတယ်၊ ၁၀ မိနစ်ကျော်လောက်” ဟု ၎င်းက ပြောသည်။

ကွတ်ခိုင်မြို့

အဆိုပါ တိုက်ပွဲတွင် စစ်ကောင်စီဘက်မှ အသေအပျောက်များ ရှိနေပြီး KIA ဘက်မှ တပ်သားများလည်း ထိခိုက်ဒဏ်ရာရသူ ရှိကြောင်း ဒေသခံများက ဆက်ပြောသည်။

ကွတ်ခိုင်မြို့နယ် နမ့်ပါခီးလမ်းခွဲနား ပစ်ခတ်မှုတွင် စစ်ကောင်စီ ကားတစ်စီးသည် ၎င်းတို့ တပ်ဖွဲ့မှ ပစ်လိုက်သည့် လက်နက်ကြီး မှန်ပြီး ထိခိုက်ပျက်စီးကာ လူအသေအပျောက်များရှိသည်ဟု ဒေသခံများ ပြောသော်လည်း သျှမ်းသံတော်ဆင့် အနေဖြင့် သီးခြား အတည်ပြုနိုင်ခြင်း မရှိသေးပေ။

ကွတ်ခိုင်မြို့နယ်အတွင်းတွင် ပြီးခဲ့သည့် စက်တင်ဘာလ ၆ ရက်မှ စတင်ကာ KIA နှင့် တပ်မတော်ကြား ထိတွေ့တိုက်ပွဲ ရက်ဆက် ဖြစ်ပွားနေခဲ့ပြီး လက်ရှိတွင် ဒေသခံပြည်သူများလည်း တိုက်ပွဲဒဏ်ကို စိုးရိမ်ကြောက်လန့်နေကြကြောင်း သိရသည်။

Leave a Comments

- Advertisement -spot_img

Latest article