သျှမ်းရှေ့ တာချီလိတ်-မယ်ဆိုင် နယ်စပ်ဂိတ်ကို ဇွန် ၁ ရက်တွင် ဒေသတွင်းနှစ်ဘက် ကုန်သွယ်ရန် အတွက် ပြန်လည်ဖွင့်လှစ်သွားမည် ဟု သတင်းရရှိသည်။
ဇွန်လ ၁ရက် မှ စတင်ပြီး မြန်မာ-ထိုင်းနယ်စပ်ဂိတ် မယ်ဆိုင်တံတားနှင့် တခြားနယ်စပ်ဂိတ်များကို Thai- Myanmar Township Border Committee (TBC) ညှိနှိုင်းရေးမှူး၊ ချင်းရိုင်အုပ်ချုပ်ရေးမှူး Passakorn Boonyaluck ၊ မြန်မာနိုင်ငံ တာချီလိတ်ခရိုင် အုပ်ချုပ်ရေးမှူး ဦးမြင့်နိုင် တို့ မေ ၂၄ရက်တွင် အစည်းအ၀ေးတက်ရောက်ပြီး ဆုံးဖြတ်ခဲ့ကြသည်။
ချင်းရိုင်တွင် Covid-19 အခြေအနေကို ထိန်းချုပ်နိုင်ခဲ့ဖြစ်ကြောင်းနှင့် ၈၀ရာခိုင်နှုန်း ကိုဗစ်ကာကွယ်ဆေးထိုးနှံ ထားပြီးကြောင်း Mr Passakorn မှ ပြောကြားခဲ့သည်။
နယ်စပ်ဖြတ်သန်းခွင့် ကိုင်ဆောင်သူများသည် ကာကွယ်ဆေး ထောက်ခံချက် သို့မဟုတ် ATK ရလဒ်များကို ပြသရမည် ဖြစ်ကြောင်း၊ ထိုသည်မှ မဟုတ် ငါးရက်ကြာ quarantine ဝင်ရမည်ဖြစ်ကြောင်း ၎င်းက ပြောကြားခဲ့သည်။
ထိုင်းနိုင်ငံ၏ အခြားပြည်နယ်သို့ ခရီးသွားလိုသူတိုင်း နိုင်ငံကူးလက်မှတ်နှင့် ကာကွယ်ဆေးလက်မှတ်ဆောင်ထားရမည်ဟု လည်း M. Passakorn က ထပ်လောင်းပြောသည်။