သျှမ်းပြည်တောင်ပိုင်း အောင်ပန်းမြို့တွင် ယနေ့ ( မေလ ၂၃) နေလည်ပိုင်းတွင် မိုးသည်းထန်း ရွာသွန်းမှုကြောင့် နေအိမ်များတွင် ရေကြီးမှုဖြစ်ပွားနေလျက်ရှိကြောင်း သိရှိရသည်။
“ အခုလည်း မိုးက ရွာနေသေးတယ်။ တောက်လျောက်ရွာနေတာ။ ရေကကြီးလာတာ။ နေ့လည်ကတည်းရွာတာ။ အခုချိန် ဆိုင်ကယ်လာရင် ရေထဲမြှုပ်တယ်။ ဒူးလောက်ထိတောင်နစ်နေပြီ။ ဟိုက်ဂျက်ကားတွေ ရေ၀င်လို့ အမြင့်နေရာမှာ ပို့ထားရတယ်” ဟု အောင်ပန်းမြို့ ဒေသခံ အမျိုးသမီးတစ်ဦးက ပြောသည်။
အဆိုပါ မိုးကြီးနေသည့် ရပ်ကွက် ၃ သည် မြေနိမ့်ပိုင်းဖြစ်သည့်အတွက် ရေကြီးလေ့ရှိကြောင်း သိရသည်။
“ ကျမတို့ရပ်ကွက်က မြေနိမ့်ပိုင်းဖြစ်တယ်လေ။ မိုးရွာရင် ရေကြီးလေ့ရှိတယ်။ အရင်နှစ်တွေလည်းကြီးတော့ကြီးတယ်။ ဒီလောက်ထိတော့မကြီးဘူး။ အခုက ပိုကြီးတာပေါ့” ဟု အထက်ပါ အမျိုးသမီးက ပြောသည်။
ယခုနှစ်တွင် သျှမ်းပြည်အတွင်းရှိ မြို့နယ်အများစုက မိုးရွာပြီးနောက် ရေကြီးမှု ဖြစ်လေ့ရှိကြောင်းသိရသည်။
Leave a Comments