သျှမ်းပြည်အရှေ့ပိုင်း ကျိုင်းတုံမြို့တွင်း ဒေသခံများ ကိုဗစ်- ၁၉ ပိုးကူးစက်မှု မရှိတော့ကြောင်းဟု ယူဆကာ ပေါ့ဆစွာ နေထိုင်နေလျက်ရှိကြောင်း စုံစမ်းသိရှိရသည်။
ယခုလအတွင်းမှ စပြီး ကျိုင်းတုံမြို့တွင် ကိုဗစ် -၁၉ ပိုးတွေ့လူနာမရှိတော့ကြောင်း ဒေသခံများက ပေါ့ဆစွာသွားလာ နေထိုင်လျက်ရှိကြောင်းသိရသည်။
“ဒီကျိုင်းတုံမြို့က ပြောလို့ဆိုလို့မရတော့ဘူး။ ဒီကိုဗစ်- ၁၉ ပိုးက မရှိတော့ဘူးလို့တောင် ပြောနေသေးတယ်။ အခုချိန်တွေမှာတောင် ပွဲတွေလုပ်ပြီး လူတွေစည်းကားနေပါတယ် ။ ကျနော်တို့မြို့ဒေသခံတွေက ကိုဗစ် ၁၉ ပိုးမရှိတော့သလို နေထိုင်သွားကြတယ်” ဟု ကျိုင်းတုံမြို့ ဒေသခံ တစ်ဦးက ပြောသည်။
ထိုအပြင် အပြင်သွားလာမှု၊ ပွဲလမ်းသဘင်များတွင်လည်း ဒေသခံများက (mask) နှာခေါင်းစည်း မတပ်တော့ပဲ ပေါ့စွာ သွားလာနေလျက်ရှိကြောင်းသိရသည်။
“ အခု ပွဲတွေ၊ မင်္ဂလာဆောင်ပွဲတွေ သွားတာတောင်မှ Mask တွေ မတပ်တော့ဘူး။ တပ်တဲ့သူကလည်း ၅ ယောက် ၆ ယောက်လောက်ပဲရှိတော့တယ်။ စိတ်ပူရတယ်။ ရောဂါက ပျောက်သွားတာမဟုတ်ဘူး။ ရှိနေသေးတယ်။ ဒါကြောင့်ပြည်သူတွေက ဂရုစိုက်ပြီး သွားလာနေထိုင်သင့်သေးတယ်” ဟု အထက်ပါ ဒေသခံ က ပြောသည်။
၂၀၂၁ ဇွန်လမှ စပြီး ယခု မေလ ၄ ရက်နေ့ထိ ကျိုင်းတုံမြို့တွင် ကိုဗစ်- ၁၉ ပိုးတွေ့လူနာ စုစုပေါင်း ၆၂၀၀ ကျော်ရှိပြီး သေဆုံးသူ ၉၀ ရှိကြောင်း ဒေသတွင်း သတင်းဌာနက ထုတ်ဖော်ထားသည်။
Leave a Comments