သျှမ်းပြည်တောင်ပိုင်း ဆနင်းတောင်ကြာအပါအဝင် လွိုင်လင်ခရိုင် အတွင်း စစ်ကောင်စီတပ်ဖွဲ့များနှင့် သျှမ်းပြည်တိုးတက်ရေးပါတီ၊ သျှမ်းပြည် တပ်မတော် SSPP/SSA တို့ နေရာယူလှုပ်ရှားမှုများရှိနေကြောင်း စုံစမ်းသိရသည်။

လွိုင်လင်ခရိုင်ထဲတွင် ပင်လုံမြို့၊ လဲချားမြို့နယ်၊ ကျေးသီးမြို့နယ်၊ နမ့်စန်မြို့နယ် နှင့် မိုင်းကိုင်မြို့နယ်တို့ ဖြစ်ကြောင်းသိရသည်။

စစ်ကောင်စီအင်အားများ နေရာတချို့မှ ဆုတ်ခွာသွားသော်လည်း ၎င်းတို့ တပ်စခန်းနေရာအနီးပတ်ဝန်းကျင်တွင် နေရာယူထားမှုများရှိနေသေးကြောင်း SSPP/SSA ပြောရေးဆိုခွင့်ရှိသူ ဗိုလ်မှူးစိုင်းဖုန်းဟန် က သျှမ်းသံတော်ဆင့်ကို ပြောသည်။

“သူတို့ဘက်ကနေရာတချို့မှာ ဆုတ်ခွာသွားတာတွေရှိနေတယ်ဆိုတာ မှန်ပါတယ်၊ ဒါပေမဲ့အားလုံးမဟုတ် သေး ဘူး၊ ကျနော်တို့ ဆနင်းတောင်ကြောတစ်လျှောက်မှာရှိတဲ့ စခန်းတွေ အနီးမှာ စစ်ကောင်စီအင်အားတွေက ၆၀၀ ကျော် ၇၀၀ လောက်ရှိနေသေးတယ်” ဟု ဗိုလ်မှူးဖုန်းဟန်က ဆိုသည်။

စစ်ကောင်စီဘက်မှ နေရာတချို့ ဆုတ်ခွာပေးမှုနှင့် လမ်းကြောင်းတချို့ပြန်လည်ဖွင့်လှစ်ပေးခြင်းသည် ငြိမ်းချမ်း ရေးဆွေးနွေးရန် ကမ်းလှမ်းမှုပက်သက်ပြီး လက်ရှိတော်လှန်ရေး အနေအထားများသည် အနီအဖြူ သဲကွဲရန် လိုအပ်ကြောင်း ဗိုလ်မှူးဖုန်းဟန်က ဆက်ပြောသည်။

“နိုင်ငံရေးလိုအပ်ချက်အရ လက်နက်ကိုင်ပြီးဖြေရှင်းရမယ့်ကိစ္စတွေရှိသလို ကျနော်တို့ နာယကကြီး ဗိုလ်ချုပ် ဆေထင် ပြောသလို တော်လှန်ရေးဆိုတာ ဘက်နှစ်ဘက်ပဲရှိတယ်၊ အနီနဲ့အဖြူဆိုပါတော့၊ဘယ်လိုပဲဖြစ်နေပါစေ၊ အနီက အနီနဲ့ပဲ ပေါင်း မယ်၊ အဖြူက အဖြူနဲ့ပဲပေါင်းမယ်၊ ဒါကြောင့် အနီနဲ့အဖြူသဲကွဲဖို့လိုပါတယ်” ဟု ပြောသည်။

အာဏာသိမ်းစစ်ခေါင်းဆောင်မှ တိုင်းရင်းသားလက်နက်ကိုင်တပ်ဖွဲ့များထံ ငြိမ်းချမ်းရေးဆွေးနွေးရန် ကမ်းလှမ်းမှုများထွက်ပေါ်လာပြီးနောက်ပိုင်း ဆနင်းဒေသမှ စစ်ကြောင်းတချို့ဆုတ်ခွာမှုများရှိသည့်အပြင် သျှမ်းတောင်အတွင်းမှ ပိတ်ထားသည့် လမ်းတချို့လည်းပြန်ဖွင့်ပေးကြောင်း ဒေသခံများထံမှ သိရသည်။

ပြီးခဲ့သည့် ဧပြီလ ၂၇ ရက်နေ့တွင် မိုင်းနောင်နှင့် ကွန်ဟိန်းကိုဆက်သွယ်ထားသည့် ဝမ်စိမ်းလမ်းကို စစ်ကောင်စီ ပြန်ဖွင့်ပေးပြီး စစ်သားများအစား ပြည်သူ့စစ်များကိုသာ ဂိတ်စောင့်အဖြစ် တွေ့မြင်ရကြောင်း ကွန်ဟိန်းမြို့သို့ ခရီးသွားခဲ့သည့် မျက်မြင်တွေ့ရသူတစ်ဦးက သျှမ်းသံတော်ဆင့်ကို ပြောသ်ည။

“အရင်က သူတို့ဒီလမ်းကို ပိတ်ထားတယ်လေ၊ သွားလို့မရခဲ့ဘူးတခြားလမ်းကနေ ပတ်သွားခဲ့ရတာပေါ့၊ ဒါပေမဲ့ ၂၇ ရက်နေ့မှာ ကျနော် ကွန်ဟိန်းကနေ ပြန်လာတော့ သူတို့က ဖွင့်ထားတာ တွေ့ရတယ်၊ ဖြတ်သန်း သွားလာလို့ရပြီပေါ့၊ ပြီးတော့ စစ်သားတွေအစား ပြည်သူ့စစ်တွေကိုပဲတွေ့ရတယ်၊ တံဆိပ်ကတော့ ကာလိ တပ်မဟာ ၇ က ပြည်သူ့စစ်တပ်ဖွဲ့တွေပါ” ဟု အဆိုပါ ခရီးသွားဒေသခံက ပြောသည်။

စစ်ကောင်စီဘက်မှ နေရာတချို့ ဆုတ်ခွာပေးမှုနှင့် လမ်းကြောင်းတချို့ပြန်လည်ဖွင့်လှစ်ပေးခြင်းသည် ငြိမ်းချမ်း ရေးဆွေးနွေးရန် ကမ်းလှမ်းမှုပက်သက်ပြီး လက်ရှိတော်လှန်ရေး အနေအထားများသည် အနီအဖြူ သဲကွဲရန် လိုအပ်ကြောင်း ဗိုလ်မှူးဖုန်းဟန်က ဆက်ပြောသည်။

“နိုင်ငံရေးလိုအပ်ချက်အရ လက်နက်ကိုင်ပြီးဖြေရှင်းရမယ့်ကိစ္စတွေရှိသလို ကျနော်တို့ နာယကကြီး ဗိုလ်ချုပ် ဆေထင် ပြောသလို တော်လှန်ရေးဆိုတာ ဘက်နှစ်ဘက်ပဲရှိတယ်၊ အနီနဲ့အဖြူဆိုပါတော့၊ဘယ်လိုပဲဖြစ်နေပါစေ၊ အနီက အနီနဲ့ပဲ ပေါင်း မယ်၊ အဖြူက အဖြူနဲ့ပဲပေါင်းမယ်၊ ဒါကြောင့် အနီနဲ့အဖြူသဲကွဲဖို့လိုပါတယ်” ဟု ပြောသည်။

တိုင်းရင်းသားလက်နက်ကိုင်များ တက်ရောက်ရန် ဖိတ်ခေါ်ထားသည့် စစ်ကောင်စီ၏ ငြိမ်းချမ်းရေးဆွေးနွေးပွဲကို SSPP/SSA အနေဖြင့် ငြိမ်းချမ်းရေးဆွေးနွေးမည်၊ မဆွေးနွေးမည်ကို ယတိပြတ် မပြောသေးဘဲ FPNCC ၏ သဘောထားပင်ဖြစ်ကြောင်းလည်း သျှမ်းသံတော်ဆင့်ကို ပြောဆိုထားသည်။