သျှမ်းပြည်တောင်းပိုင်း ဖယ်ခုံမြို့နယ် လွယ်ပေါတွင် ဖယ်ခုံပြည်သူ့ကာကွယ်ရေးတပ် (PDF) တပ်ရင်းရှိရာနေရာကို စစ်ကောင်စီဘက်မှ လက်နက်ကြီးဖြင့် လှမ်းပစ်ခဲ့ကြောင်းစုံစမ်းသိရှိရသည်။
ယနေ့ (ဧပြီ ၁၈)ရက် မနက် ၉ နာရီခွဲကျော်တွင် ဖယ်ခုံ PDF တပ်ရင်းရှိသည့်နေရာကို စစ်ကောင်စီဘက်မှ လက်နက်ကြီးဖြင့် လှမ်းပစ်သွားကြောင်းသိရသည်။
“ ဒီနေ့ မနက် ၉ နာရီကျော်လောက်မှာ ထွေအုပ်ရုံးကနေပစ်သွားတာ။ PDF တွေရှိတဲ့နေရာမှာ စစ်ကောင်စီက လှမ်းပစ်သွားတာ။ ထွေအုပ်ရုံးကနေ ပစ်သွားတာ။ လက်နက်ကြီးနဲ့ ပစ်တာ။ ၁၂၀ မမ နဲ့ ပစ်သွားတာ” ဟု ဖယ်ခုံမြို့ ဒေသခံ အမျိုးသားတစ်ဦးက ပြောသည်။
စစ်ကောင်စီက PDF တပ်ရင်းတို့ သင်တန်းဆင်းပွဲနေရာကို လက်နက်ကြီးဖြင့် (၄) ချက်ပစ်သွားပြီး လူသူထိခိုက်မှု ရှိမရှိ မသိရှိရသေးကြောင်းသိရသည်။
“ (၄) ချက်ပစ်သွားတာ။ အခုချိန်ထိတော့ ထိခိုက်မှုရှိလား။ မရှိဘူးလာတော့ အသေးစိတ်မသိရသေးဘူး။ စောင့်ကြည့် နေသေးတယ်” ဟု ၎င်းဒေသခံက ပြောသည်။
ဖယ်ခုံမြို့သည် စစ်ကောင်စီ နှင့် PDF တို့ တိုက်ပွဲဖြစ်ပွားမှု ရပ်တန့်ခဲ့ပြီး ယနေ့ (ဧပြီ ၁၈)ရက်တွင် စစ်ကောင်စီမှ လက်နက်စတင်ပစ်ခတ်ခဲ့ကြောင်းသိရသည်။
Leave a Comments