Thursday, December 1, 2022

ကျိုင်းတုံ ကိုဗစ် ကူးစက်မှု တိုးလာ

Must read

သျှမ်းပြည်အရှေ့ပိုင်း ကျိုင်းတုံမြို့တွင် ကိုဗစ် – ၁၉ ကူးစက်သူ တိုးများလာကြောင်း စုံစမ်းသိရှိရသည်။

ကျိုင်းတုံဆေးရုံ

ယမန်နေ့ ဖေဖော်ဝါရီ (၂၁)ရက်နေ့က ကျိုင်းတုံမြို့အထွက် နမ့်ပုံဂိတ်တွင် ကိုဗစ် – ၁၉ စစ်ဆေးရာမှာ တစ်ရက်တည်း (၂၄) ဦး တွေ့ရှိကြောင်း စုံစမ်းသိရှိရသည်။

“လက်ရှိ ကျိုင်းတုံမြို့မစျေးကိုတော့ ဖေဖော်ဝါရီ လကုန်မှာ လူစုလူဝေး မဖြစ်စေဖို့အတွက် တာဝန်ရှိသူတွေ လုပ်ဆောင်သွားမယ်လို့ သိရပါတယ်” ဟု ကျိုင်းတုံ ဒေသခံ အမျိုးသားလူငယ် တစ်ဦး က ပြောသည်။

လက်ရှိရာသီအချိန်သည် အလှူပွဲ၊ အိမ်သစ်တက်မင်္ဂလာအခမ်းအနားနှင့် မင်္ဂလာဆောင်များ ပြုလုပ်သည့် ရာသီဖြစ်ပြီး ကိုဗစ် – ၁၉ စည်းမျဉ်းစည်းကမ်းလိုက်နာမှုမရှိသည့်အတွက် ကိုဗစ် ကူးစက်သူ တိုးပွားလာကြောင်း ကျိုင်းတုံဒေသခံ တချို့က မှတ်ချက်ပြုကြသည်။

“ကျမတို့ ကျိုင်းတုံမြို့ထဲမှာ နေ့တိုင်းလိုလို ထုံးတမ်းစဉ်လာအရ ပွဲလမ်းသဘင် နေ့တိုင်းရှိတယ်။ ကိုဗစ် – ၁၉ လိုက်နာမှု မရှိတဲ့အတွက် တိုးလာတာ ၊ ၂၀ ရက်နောက်ပိုင်းကနေစပြီး ပွဲလမ်းသဘင်တွေလုပ်တာ လျော့ချသွားမယ်လို့တော့ သိရတယ်” ဟု ကျိုင်းတုံဒေသခံ တစ်ဦးကပြောပါတယ်။

၂၀၂၁ ခုနှစ် ဇွန်လ မှ ၂၀၂၂ ဖေဖော်ဝါရီ (၂၁) ရက်ထိ ကျိုင်းတုံမြို့တွင်း ကိုဗစ် – ၁၉ ကူးစက်ခံရသူ စုစုပေါင်း (၅၇၇၅) ဦး၊ သေဆုံး (၉၂) ဦး၊ ဆေးရုံဆင်းခွင့်ရသူ (၆၅၂၁) နှင့် လက်ရှိ ဆေးကုသမှု ခံယူသူ (၆၂) ဦးရှိကြောင်း ကျိုင်းတုံအခြေစိုက် သတင်းမီဒီယာ တစ်ခုက ဖော်ပြထားသည်။

Leave a Comments

- Advertisement -spot_img

Latest article