သျှမ်းပြည် မြောက်ပိုင်း ကျောက်မဲမြို့အဝင် မန္တလေး – လားရှိုး ပြည်ထောင်စုလမ်းမကြီးပေါ်တွင် ဖွင့်လှစ်ထားသည့် ယိုးဒယား – စားဥယျာဉ်ဆိုင် မီးလောင်မှု ဖြစ်ပွားခဲ့ကြောင်း သတင်း သိရသည်။
ယမန်နေ့ (ဖေဖော်ဝါရီ ၂၁)ရက် ည ၇ ဝန်းကျင်တွင် မန္တလေး – လားရှိုး ပြည်ထောင်စုလမ်းမကြီးပေါ်ရှိ ခိုမုန်းကျေးရွာမှ ကောင်းအက်ရွာအသွားလမ်း ၌ဖွင့်လှစ်ထားသည့် ယိုးဒယား-စားဥယျာဉ်ဆိုင် မီးလောင်မှု ဖြစ်ပွားခဲ့တာဖြစ်ပြီး သက်ကယ်အိမ်ဆိုင် မီးလောင်ပျက်စီးသွားတာဖြစ်ကြောင်း သိရသည်။
“မီးလောင်တာက ညပိုင်းပါ၊ ဟင်းပေါင်းအိုး အပူလွန်ကဲပြီး လောင်တာလို့ ကြားမိတယ်။ အဲ့ဆိုင်က သက်ကယ်တွေဆိုတော့ မီးလောင်တာ မြန်တယ်၊ ဘာမှ မရလိုက်ဘူးလို့ ပြောတယ်၊ ဆုံးရှုံးတာက ဘယ်လောက်ရှိလဲတော့ မသိဘူး” ဟု ဒေသခံ အမျိုးသားလူငယ်တစ်ဦး က သျှမ်းသံတော်ဆင့်ကို ပြောသည်။
ပြီးခဲ့သည့် ဖေဖော်ဝါရီ ၁၂ ရက်နေ့တွင်လည်း သီပေါမြို့နယ် ကောင်းလန်းကျေးရွာတွင် ဆိုလာဖြင့် ဘက်ထရီအားသွင်းထားရာမှ အပူလွန်ကဲပြီး နေအိမ်တစ်အိမ်လုံး မီးလောင်ဆုံးရှုံးသွားခဲ့ရကြောင်း သိရသည်။
ယခုအချိန်တွင် ပူပြင်းသည့်ရာသီ ဝင်ရောက်လာပြီဖြစ်သည့်အတွက် ဒေသခံများအနေဖြင့် မီးဘေးအန္တရာယ်ကို သတိပြု ဆင်ခြင် နေထိုင်သင့်ကြောင်းလည်း သက်ဆိုင်ရာမှ အသိပေးထားသည်။
Leave a Comments