သျှမ်းပြည်အရှေ့ပိုင်း မိုင်းဆတ်မြို့အတွင်းသို့ ရန်ကုန်မှ လေကြောင်းခရီးဖြင့် ပြန်လာသည့်််သူ( ၃) ဦးတွင် ကိုဗစ် -၁၉ ပိုးတွေ့ရှိပြီးနောက် နောက်တစ်နေ့တွင်လည်း (၂) ဦး ထပ်မံတွေ့ရှိခဲ့ကြောင်း စုံစမ်းသိရှိရသည်။
ဖေဖော်ဝါရီ (၉) ရက်တွင် ရန်ကုန်လေဆိပ်မှ မိုင်းဆတ်မြို့သို့ မြန်မာအမျိုးသားလေကြောင်း ခရီးစဉ်ဖြင့် ရောက်ရှိလာသည့်သူထံတွင် ကိုဗစ် ပိုးတွေ့ရှိခဲ့ကြောင်းသိရသည်။ နောက်တစ်နေ့ ဖေဖော်ဝါရီ ၁၀ ရက်တွင် လေယာဉ်အတူစီးလာသူ (၂) ဦးထံ တွင်လည်း ကိုဗစ် -၁၉ ပိုးထပ်တွေ့ရှိခဲ့ကြောင်းသိရသည်။
ထိုကိုဗစ် -၁၉ ပိုးတွေ့ရှိသူများသည် ကိုဗစ်- ၁၉ ကာကွယ်ဆေးများထိုးပြီးထားသူများဖြစ်ကြောင်းသိရသည်။
မိုင်းဆတ်မြို့တွင် ဖေဖော်ဝါရီလ(၁၀)ရက်နေ့ ညနေ(၄)နာရီအချိန်အထိ Covid-19 ပိုးတွေ့ရှိရသူ စုစုပေါင်း (၁၈၉၄)ဦးရှိနေပြီး သေဆုံးသူမှာ (၁၂)ဦးနဲ့ လက်ရှိမှာ ပိုးတွေ့ထားသူ (၁၂)ဦး ရှိနေကြောင်း သိရသည်။
