သျှမ်းပြည်မြောက်ပိုင်း ကွက်ခိုင်မြို့ တိုးဂိတ်အနီး လက်နက်ကြီးသံများ ဆက်တိုက်ကြားနေရသော်လည်း စစ်ကောင်စီ၏ ခြိမ်းခြောက်မှုကြောင့် ဆိုင်ခန်းများ ဖွင့်နေရကြောင်း စုံစမ်းသိရသည်။
ယနေ့ ဖေဖော်ဝါရီ (၁)ရက်နေ့မှာ စစ်တပ်မှ နိုင်ငံတော် အာဏာသိမ်းခြင်း (၁)နှစ်ပြည့်ပြီး အသံတိတ် သပိတ်မပြုလုပ်ရန် စျေးသည်များကို စျေးဆိုင်ဖွင့်ရမည်ဟု ခံဝန်လက်မှတ်ထိုးခိုင်းထားကြောင်း စုံစမ်းသိရှိရသည်။
“၂ ဘက် တိုက်ပွဲဖြစ်နေတယ်။ မြို့ထဲထိ လက်နက်ကြီး လက်နက်ငယ်သံတွေ ကြားနေရတယ်။ ခုထက်ထိပဲ။ မြေတောင်တုန်တယ်။ စျေးသည်တွေတော့ ကြောက်ပေမယ့် စျေးဆိုင်တွေ သွားဖွင့်နေကြတယ်” ဟု စျေးသည် အမျိုးသမီး တစ်ဦးက ပြောသည်။
ထို တိုက်ပွဲသည် ယနေ့ မနက် (၇)နာရီဝန်းကျင်ကစပြီး လက်နက်ကြီးသံများ ကြားရပြီး စစ်ကောင်စီတပ်နှင့် ကိုးကန့်တပ်ဖွဲ့ (MNDAA)တို့ တိုက်ပွဲဖြစ်ပွားခဲ့ကြောင်း ဒေသခံများက ပြောဆိုကြသည်။
ကွက်ခိုင်မြို့သည် စစ်ကောင်စီတပ်၊ ကိုးကန့်တပ်မတော် (MNDAA)၊ တအာင်း(ပလောင်) လွတ်မြောက်ရေး တပ်မတော် (TNLA) နှင့် ကချင်တပ်မတော် (KIA) တို့ လှုပ်ရှားရာ နယ်မြေဖြစ်ကြောင်း သိရှိရသည်။
ကွက်ခိုင်မြို့ရှိ စစ်ကောင်စီနှင့် တိုင်းရင်းသားလက်နက်ကိုင်များ မကြာခဏ တိုက်ပွဲများလည်း ဖြစ်ပွားခဲ့သည်
Leave a Comments