သျှမ်းပြည်မြောက်ပိုင်း နောင်ချိုမြို့နယ် ဘန့်ဘွေးကျေးရွာ အမှတ် (၄)ရပ်ကွက်ရှိ ကျော်ဇော်လင်းရွှေဆိုင်သည် ယမန်နေ့ (ဇန်နဝါရီ ၂၅)ရက် နေ့လည် ၂ နာရီခွဲ ဝန်းကျင်က ဓားပြတိုက်ခံရကြောင်း စုံစမ်းသိရှိရသည်။
ယမန်နေ့ နေ့လည် ၂ နာရီခွဲဝန်းကျင်တွင် အမည်မသိ အမျိုးသား (၄)ဦး ဆိုင်ထဲဝင်လာပြီး သေနတ်ပစ်ဖောက်ကာ ရွှေထည်များကို ဓားပြတိုက်လုယူသွားကြောင်း ဘန့်ဘွေးကျေးရွာ ဒေသခံ တစ်ဦး က သျှမ်းသံတော်ဆင့်ကို ပြောသည်။
“ယောက်ျားလေး (၄)ယောက်က သေနတ်နဲ့ဝင်လာပြီး တစ်ချက်လောက်တော့ ပစ်လိုက်တယ်။ ပစ်ပြီးတော့ ရွှေထည်ပစ္စည်းတွေကို လုယူသွားတာ။ လွယ်အိတ်အမဲထဲ ရွှေထည်တွေ ထည့်သွားတာ။ လူတော့ ထိခိုက်မှု မရှိပါဘူး” ဟု ဘန့်ဘွေး ဒေသခံ အမျိုးသားတစ်ဦးက ပြောသည်။
အဆိုပါ ရွှေဆိုင်မှ လက်ကောက် ၅၉ ကွင်း၊ စကုတ် ၁ ခု၊ ဟန်းချိန်း ၁၆ ခု၊ ဆွဲကြိုး ၂၂၁ ခု၊ ဆွဲသီး ၁၄၅ ခု ခန့် ပါသွားကြောင်း သိရသည်။
ဓားပြလာတိုက်သွားသည့် အမျိုးသား (၄)ဦးသည် ယနေ့ အချိန်ထိ လွှတ်မြောက်နေဆဲဟု သိရသည်။
Leave a Comments