Thursday, April 18, 2024

ရွာငံမြို့နေ အမျိုးသားတစ်ဦး သေနတ် ပစ်သတ်ခံရ

Must read

သျှမ်းပြည်တောင်ပိုင်း ရွာငံမြို့ ကွက်သစ်ရပ်ကွက်တွင် နေထိုင်သည့် အမျိုးသားတစ်ဦးသည် ယနေ့ (ဇန်နဝါရီ ၈)ရက် ညနေ ၄ နာရီခွဲကျော်တွင် သေနတ်ဖြင့် ပစ်သတ်ခြင်းခံရကြောင်း သတင်းသိရသည်။

ယနေ့ (ဇန်နဝါရီလ ၈ )ရက် ညနေ ၄ နာရီခွဲကျော်တွင် ရွာငံမြို့ ကွက်သစ်ရပ်ကွက်တွင် နေထိုင်သည့် အမျိုးသားတစ်ဦးသည် ၎င်း၏ နေအိမ်၌ သေနတ်ဒဏ်ရာဖြင့် သေဆုံးနေကြောင်း မြန်မာနိုင်ငံလူမှုကယ်ဆယ်ရေးအသင်း (ရွာငံ) မြို့မှ အသင်းသားတစ်ဦးက သျှမ်းသံတော်ဆင့်ကို ပြောသည်။

“ဖုန်းဆက်ပြီး အကူအညီတောင်းလာလို့ ကျနော်တို့ ရောက်သွားတဲ့အချိန်မှာ အိပ်ခန်းထဲ ဒဏ်ရာအပြင်းအထန်နဲ့ သေဆုံးနေတဲ့ အမျိုးသားတစ်ယောက်အလောင်းကို တွေ့ပါတယ်၊ သေနတ်ဒဏ်ရာနဲ့ပါ၊ အခုတော့ ရင်ခွဲရုံပို့ထားပါပြီ” ဟု မြန်မာနိုင်ငံလူမှုကယ်ဆယ်ရေးအသင်းမှ အသင်းသားတစ်ဦးက ပြောသည်။

အဆိုပါ သေဆုံးသွားသည့် ကွက်သစ်ရပ်ကွက်မှ အမျိုးသားရုပ်အလောင်းကို မြန်မာနိုင်ငံလူမှုကယ်ဆယ်ရေးအသင်း (ရွာငံ)မြို့မှ သွားရောက်သယ်ဆောင်ခဲ့ပြီး ရွာငံမြို့ ဆေးရုံရှိ ရင်ခွဲရုံသို့ ပို့ပေးလိုက်ကြောင်း သတင်းသိရသည်။

ယခုရက်ပိုင်းအတွင်း အာဏာသိမ်း စစ်ကောင်စီတို့သည် ရွာငံမြို့နယ်အတွင်း လူငယ်များကို ဖမ်းဆီးခြင်း၊ ပြည်သူ့နေအိမ်များကို ဝင်ရောက်စီးနှင်း ရှာဖွေ စစ်ဆေးခြင်း၊ အိမ်တွင်းပစ္စည်းများ ရိုက်ခွဲခြင်းများ အဆက်မပြတ်လုပ်ဆောင်လာသည့်အပြင် ယခုကဲ့သို့ အကြောင်းရင်းမသိ တရားခံမပေါ်သည့် လူသတ်မှုများလည်း ပေါများလာကြောင်း သိရသည်။

Leave a Comments

- Advertisement -spot_img

Latest article