သျှမ်းပြည်မြောက်ပိုင်း နမ့်ခမ်းမြို့နယ် နောင်ခမ်းကျေးရွာတွင် ယနေ့ အောက်တိုဘာ (၁၉) မနက် ၇ နာရီ ဝန်ကျင်းတွင် နေအိမ်တလုံးမီးလောင်သွားကြောင်း စုံစမ်းသိရှိရသည်။
ထိုမီးလောင်သွားမှုကြောင့် နေအိမ်တခုလုံးဆုံးရှုံးသွားရကြောင်း ထိခိုက်ဒဏ်ရာရရှိသူမရှိကြောင်း ဒေသခံတဦးက ပြောသည်။
“ အကုန်လောင်သွားတာ။ တအိမ်လုံးလောင်သွားတာ။ အိမ်ပြာကျသွားတာ။ အထဲမှာနေတဲ့သူမရှိဘူး။ ဒါကြောင့် ဘယ်သူမှ ထိခိုက်ဒဏ်ရာရသူ မရှိပါဘူး။ ဘာကြောင့်လောင်တာလည်းတော့ မသိသေးဘူး “ ဟု နောင်ခမ်း ကျေးရွာဒေသခံတဦးက ပြောသည်။
ထိုအိမ်တွင် အိမ်ရှင်မရှိကြောင်း ၊ လက်ရှိ အချိန်ထိ မည်မျှဆုံးရှုံးသွားသည်ကို မသိရှိရသေးကြောင်း သိရသည်။
“ အဲအိမ်မှာက အိမ်ရှင်မရှိဘူး။ သူတို့က သီပေါဘက် အလုပ်သွားလုပ်တာ။ အိမ်ကတော့ ပြာကျသွားပြီ။ ဘယ်လောက်ဆုံးရှုံးမှုရှိလည်းတော့ အကုန်မသိရသေးဘူး။ ဘယ်သူကလာရှိုးတာလည်း စုံစမ်းနေတယ်” ဟု နောင်ခမ်းကျေးရွာဒေသံတဦးက ပြောသည်။
နောင်ခမ်းကျေးရွာ ယမန့်နေ့ အောက်တိုဘာ (၁၈) တွင် တရုတ်ဘက်မှ နယ်မြေကျော် ခြံစည်းရိုးလာခတ်ခဲ့ကြောင်းသိရသည်။
နေအိမ်ကို မည်သူကို မီးလာရှိုးလာကြောင်းကို စုံစမ်းနေလျက်ရှိကြောင်းသိရသည်။
Leave a Comments