Sunday, July 21, 2024

ကျောက်မဲမြို့နယ် ဆီဘောက်ဆာကား ဓားပြတိုက်ခံရ

Must read

သျှမ်းမြောက် ကျောက်မဲမြို့နယ် ပင်တိန်ကျေးရွာ အနီးတွင် ပြီးခဲ့သည့် စက်တင်ဘာလ (၂၁)ရက် ညပိုင်းက ဆီဘောက်ဆာကားတစ်ဆီး ဓားပြတိုက်ခံရကြောင်း သတင်းရရှိသည်။

ကျောက်မဲအနီး ဆီဘောက်ဆာကား ဓားပြတိုက်ခံရ

ကျောက်မဲမြို့နယ် ပင်တိန်ကျေးရွာ ရဲရွာရေအားလျှစ်စစ်ဓါတ်အားပေးစက်ရုံလမ်းခွဲအနီးတွင် စက်တင်ဘာ (၂၁)ရက် ည (၁၁)နာရီဝန်းကျင်က မန္တလေး မှ သိန္နီမြို့သို့ ပြေးဆွဲနေသည့် ဆီဘောက်ဆာကားတစ်စီး ဓားပြတိုက်ခံရတာဖြစ်ကြောင်း သိရသည်။

“ဓါးပြက (၅)ယောက်လောက်ရှိတယ်၊ ပါလာတဲ့ပိုက်ဆံနဲ့ ဖုန်းကို ယူသွားတယ်၊ နောက်ပြီး အုံနာဆီ ဖုန်းဆက်ခိုင်းပြီး ဖုန်းထဲကို Wave Money နဲ့ (၁၀)သိန်း လွှဲခိုင်းသေးတယ်၊ မလွှဲပေးရင် ကားကို မီးရှို့မယ်ဆိုပြီး ဓားထောက်ခြိမ်းခြောက်တာ” ဟု သီပေါမြို့နေ ဓားပြတိုက်ခံရသည့် ကားဆရာက သျှမ်းသံတော်ဆင့်ကို ပြောသည်။

အဆိုပါ ဓါပြတိုက်ခံရမှုကြောင့် ပိုက်ဆံ (၁၂)သိန်းဝန်းကျင်နှင့် ဖုန်း (၂)လုံး ယူဆောင်သွားခဲ့ကြောင်း သိရသည်။

မန္တလေး − လားရှိုး − မူဆယ် ပြည်ထောင်စုလမ်းမကြီးပေါ်ရှိ ထိုနေရာသည် ယခင်နှစ်များတွင်လည်း နွားကားများ မကြာခဏအပစ်ခံရပြီး ထိခိုက်သေဆုံးမှုများရှိခဲ့ကြောင်း သိရသည်။

Leave a Comments

- Advertisement -spot_img

Latest article