နမ္မတူမြို့သံဃာတော်အပါး ၅၅ ကိုဗစ်-၁၉ ပိုးတွေ့

0

သျှမ်းမြောက် နမ္မတူမြို့နယ်တွင် ယမန့်နေ့ စက်တင်ဘာ ၁၃ ရက်နေ့ထိ သံဃာတော် အပါး ၅၅ ဦးထံတွင် ကိုဗစ်- ၁၉ ပိုးတွေ့ရှိခဲ့ကြောင်း စုံစမ်းသိရှိရသည်။

ထို သံဃာတော်များသည် ဆွမ်းခံကြွရာမှ တဆင့် ကိုဗစ်- ၁၉ ပိုးစတင်ကူးခဲ့ကြောင်း နမ္မတူမြို့နယ် ပရဟိတအဖွဲ့ဝင်တဦးက ပြောသည်။

“ သံဃာတွေ ဆွမ်းခံကြွတာနဲ့ပဲ ကူးတာထင်တယ်။ ပြီးတော့ ဘုန်းကြီးကျောင်းတွေကို မပိတ်ထားဘူး။ ကိုရင်လေးတွေ နေအိမ်မှာ ဆွမ်းလာယူတာ၊ ပြီးတော့ ပြည်သူတွေက ဆွမ်းသွားလောင်တာကနေတဆင့် ကိုဗစ် ကူးတာလည်း ဖြစ်နိုင်တယ်” ဟု နမ္မတူမြို့နယ် ပရဟိတ အဖွဲ့ဝင်တဦးက ပြောသည်။

ထိုကိုဗစ် ကူးစက်ခံရသော် သံဃာတော်များသည် ရွှေမြင်သာကျောင်း ၄၆ ပါး ၊ တောင်ပေါ်ဘုန်းကြီးကျောင်း (၆)ပါး နှင့် ဆိုင်ခေါင် ဘုန်းကြီးကျောင်း တွင် ကိုရင်လေး ၃ ပါးထံ ကိုဗစ် ပိုးတွေ့ရှိခဲ့ကြောင်းသိရသည်။

ထိုကိုဗစ် ကူးစက်ခံရသည့် သံဃာတော်များကို ဘုန်းကြီးကျောင်းတွင် သီးသန့်ထားရှိပြီး ကုသပေးနေကြောင်း သိရသည်။

“ သံဃာတော်တွေကိုတော့ ကျောင်းမှာပဲ သီးသန့်အခန်းမှာပဲထားပြီးတော့ ကုသပေးတာ။ ဆွမ်းကိစ္စကိုတော့ ကျမတို့ အဖွဲ့ကနေပဲတာဝန်ယူပေးထားပါတယ်” ဟု နမ္မတူမြို့နယ် ပရဟိတ အဖွဲ့ဝင်က ပြောသည်။

အလားတူ ယနေ့ စက်တင်ဘာ ၁၄ ရက် တွင် ကျောင်းတွင်ရှိ မယ်သီလရှင်များကိုကိုဗစ် စစ်ပေးမည်ဖြစ်ကြောင်းသိရသည်။

နမ္မတူမြို့နယ်တွင် ယမန့်နေ့ စက်တင်ဘာ ၁၃ ရက်နေ့ထိ ကိုဗစ် ၁၉ ပိုးတွေ့လူနာ (၄၈၉) ဦးရှိပြီး၊ ဆေးကုသမှုခံယူနေသူ (၁၅၈) နှင့်သေဆုံးသူ (၁၅) ဦးရှိကြောင်းသိရသည်။

Leave a Comments