သျှမ်းပြည် တောင်ပိုင်း ဟိုပုံးနယ် နောက်ဆုံး အိမ်ရှေ့စံ ကျမိုင်း စဝ်ခွန်အို (ခ) စဝ်စိုင်းလုံ (ခ) ဒန်ဇယ်ကွေ နှင့် မိသားစုဝင် စုစုပေါင်း (၄)ဦးသည် ရက်ပေါင်း ၂၀ အတွင်း ရှေ့ဆင့်နောက် ဆင့် ကွယ်လွန်ခဲ့ကြောင်း စုံစမ်းသိရသည်။
ပြီးခဲ့သည့်ဩဂုတ်လ ၁၆ ရက်နေ့မှာ ရင်းနှီးသူတချို့က ကိုစိုင်းလုံ၊ ပီလုံ ဟုခေါ်ဝေါ် ကြသည့် ဟိုပုံးနယ် အိမ်ရှေ့စံ ကျမိုင်း အသက် ၇၀ အရွယ်ရှိ စဝ်ခွန်အိုသည် ကွယ်လွန်ခဲ့ပြီး ၎င်း၏ညီ စဝ်ခွန်ဖုန်း လည်း ဩဂုတ်လ ၂၀ ရက်၊ စဝ်ခွန်အို၏ အမယ်တော် နန်းရွှေဥ က ဩဂုတ်လ ၂၄ ရက်နှင့် စဝ်ခွန်အိုရဲ့ နှမ စဝ်နန္ဒီ (ခ) မြနန္ဒီ ကလည်းစက်တင်ဘာလ ၄ ရက်နေ့တို့တွင် အသီးသီး ရှေ့ဆင့်နောက်ဆင့် ကွယ်လွန်ခဲ့ကြောင်း သိရသည်။
၁၉၅၉ ခုနှစ် သျှမ်းစော်ဘွားများ အာဏာစွန့်ခဲ့စဉ် ဘိုးတော် စော်ဘွားကြီး စဝ်ခွန်လောနဲ့ ခမည်းတော် ကျမိုင်း စဝ်ကွေတို့ မရှိတော့တာကြောင့် အသက်ရှစ်နှစ်သာ ရှိသေးသည့် ကျမိုင်း စဝ်ခွန်အို ကိုယ်စား မယ်တော် ဖြစ်သူ နန်းရွှေဥ က ကိုယ် စားပြုပြီး အာဏာစွန့်ကြောင်း လက်မှတ်ရေးထိုးခဲ့ရသည်။
ဟိုပုံးနယ်၏ အိမ်ရှေ့စံ ကျမိုင်း စဝ်ခွန်အို (ခေါ်) စဝ်စိုင်းလုံ (ခ) ဒန်ဇယ်ကွေသည် ဟိုပုံးကျမိုင်း စဝ်ကွေနှင့် နန်းရွှေဥတို့၏ သားဖြစ်ပြီး ၁၉၅၁ ခုနှစ် မေ ၂၇ ရက် တောင်ကြီးမှာ မွေးဖွားခဲ့သူ ဖြစ်သည်။
၁၉၅၇ ခုနှစ် သြဂုတ်လ ၁၅ ရက်နေ့ကစပြီး ထုံးတမ်းအစဉ်အလာအရ သမ္မတ အမိန့်ထုတ်ပြန် ကာ အိမ်ရှေ့စံကျမိုင်းအဖြစ် ဘိုးတော်စော်ဘွားကြီးရဲ့ အရိုက်အရာကို ဆက်ခံနိုင်ရန် ခန့်အပ်ခဲ့ကြောင်းလည်း သိရပါသည်။
Leave a Comments