မိုးကုတ်မြို့တွင် ယနေ့ ဩဂုတ် (၂၄) မနက်ပိုင်း (၆) ခန့်တွင် မိုးသည်းထန်စွာရွာသွန်းမှုကြောင့် မြေပြိုမှုဖြစ်ပွားခဲ့ပြီး ပြည်သူ(၁၁)ဦးမြေပိခဲ့ပြီး အလောင်း(၅)လောင်းကို ရှာဖွေတွေ့ရှိခဲ့ကြောင်း သတင်းရရှိသည်။
လက်ရှိမှာ မြေပိခံရသည့် အလောင်း (၅)လောင်ကိုသာ တူးဖော်တွေ့ရှိခဲ့ပြီး၊ ကျန် (၆)ဦးကို ဆက်လက်တူးဖော်ရှာဖွေနေဆဲ ဟု မိုးကုတ်မြို့ လူမှုကယ်ဆယ်ရေးအဖွဲ့ထံက သိရသည်။
“ မနေ့က မိုးအရမ်းကြီးတယ်။ အဲကြောင့် မြေပြိုသွားတာပါ။ အခုတော့ (၅) ယောက်ပဲ တွေ့သေးတယ်။ ဆက်ရှာနေသေးတယ်။ အခုက ကျနော်တို့ အရှေ့ပိုင်း မိုးကုတ်လူမှုကယ်ဆယ်ရေးအဖွဲ့ကိုလည်း ထပ်ခေါ်ထားတယ်” ဟု မိုးကုတ်မြို့ အရှေ့ပိုင်း မိုးကုတ်လူမှုကယ်ဆယ်ရေးအဖွဲ့က သျှမ်းသံတော်ဆင့်ကိုပြောသည်။
မိုးသည်းထန်စွာရွာသွန်မှုကြောင့် မြေပြိုမှုဖြစ်ပွားကာ တောင်အောက်ရှိ အိမ်များမြေပိကာ ပျက်စီးခဲ့ပြီး နေအိမ်ထဲနေသည့်သူများ မြေပိနေကြောင်း သိရသည်။
“ သူတို့တောင်အောက်မှာနေတာ။ တောင်ကတော့ မြေတောင်ပဲ။ မိုးကအရမ်းကြီးလာတယ်။ အဲကြောင့် တောင်ကပြိုသွားတာထင်တယ်။ အဲအောက်မှာ ဘယ်နအိမ်ရှိလည်းတော့မသိဘူး။ နီးစပ်တဲ့သူတွေပြောပြချက်အရတော့ လူက ၁၁ ယောက်လောက်ရှိတယ်လို့ပြောတယ်။ ကျနော်တို့ကလည်း အသေးစိတ်မသိရသေးဘူး။ လောဆယ်တော့ (၅) ယောက်တွေ့ထားပြီ။” ဟု မိုးကုတ် လူမှုကယ်ဆယ်ရေးအဖွဲ့ဝင် တစ်ဦးက ပြောသည်။
မိုးကုတ်မြို့တွင် မိုးရာသီတွင် မြေပြိုမှု မကြာခဏ ဖြစ်ပွားလျက်ရှိကြောင်း သိရသည်။
အလားတူ ဩဂုတ်လ ၁၂ ရက်နေ့တွင် ရေကြီးမြေပြိုမှုကြောင့် အသက် (၅) ကလေး အပါဝင်လူ(၃) ဦး မြေပိပြီးသေဆုံးခဲ့ကြောင်းသိရသည်။
Leave a Comments