သျှမ်းပြည်တဝှမ်းတွင် ကိုဗစ်-၁၉ ကူးစက်မှုနှုန်းလျော့ကျလာသော်လည်း သေဆုံးမှုနှုန်းက နေ့စဉ်အလိုက်ရှိ နေသေး ကြောင်း သျှမ်းပြည်နယ်တဝှမ်းရှိ လူမှုကူညီရေးအသင်း ပရဟိတ အဖွဲ့များက ပြောသည်။
ယနေ့ ဩဂုတ် ၁၇ ရက်မနက်ပိုင်းအချိန်တွင် တောင်ကြီးမြို့တွင် (၂) ဦး၊ ကျောက်မဲမြို့တွင် (၂) ဦး၊ မူဆယ်မြို့တွင် (၂) ဦး စသည့်ဒေသများတွင် ကိုဗစ်-၁၉ ကြောင့် သေဆုံးသွားရကြောင်း သက်ဆိုင်ရာမြို့နယ် ပရဟိတ အဖွဲ့များက ပြောသည်။
ထိုသို့သေဆုံးသူများသည် အသက်ကြီးပိုင်းများနှင့် ယခင်က ရောဂါအခံရှိသူများဖြစ်ကြောင်းသိ၇သည်။
“ ကျနော်တို့ ဒီနေ့မနက်ဆုံးသွားတာ အသက်ကြီးပိုင်းတွေပါ။ တစ်ယောက်က (၅၂) နှစ် တယောက်က ၇၅ နှစ်တို့ဆုံးသွားလို့ ကျနော်တို့ ဒီနေ့မနက်ဘဲသွားပို့လာရသေးတယ်။” ဟု တောင်ကြီးမြို့ ပရဟိတ ကိုဝင်နိုင်စိုးက ပြောသည်။
ထိုသို့ကိုဗစ် ၁၉ ပိုးတွေလူနာ လျော့ကျလာသော်လည်း ပြည်သူများအနေဖြင့် လက်ရှိ အခြေနေကို ဆက်လက်ထိန်းသိမ်းသွားရန်လိုအပ်ကြောင်း သျှမ်းပြည်တဝှမ်းရှိ ပရဟိတ အဖွဲ့များက ပြောသည်။
“ အခုကိုဗစ်ပိုးကူးစက်ခံရသူကတော့ လျော့ကျလာတယ်လို့တော့ ပြောလို့ရတယ်။ ဒီလိုမျိုး အခြေနေတွေကို ကျနော်တို့ပြည်သူတွေက ဆက်ပြီးထိန်းထားဖို့လိုအပ်တယ်။ အဓိကတော့ လော့ဒေါင်းချထားတဲ့ အတွက်ကြောင့်ပေါ့။ အဲကြောင့်ဘဲ သိပ်မကူးစက်တော့တာ။ ပြီးတော့ မလိုအပ်ဘဲမထွက်ကြလို့ လျော့ချနိုင်တာ။ ဒီခြေနေကို ဆက်လက်ထိန်းထားဖို့ပြောချင်ပါတယ်” ဟု သျှမ်းပြည်တဝှမ်းရှိ ပရဟိတ အဖွဲ့များက ပြောသည်။
မြန်မာနိုင်ငံတွင် ကိုဗစ် ၁၉ တတိယလှိုင်းကို ဇွန်လဆန်းပိုင်က စတင်ပြန့်ပွားခဲ့ပြီး ပြည်သူများ ထောင်ချီသေဆုံးခဲ့ရကြောင်းသိရသည်။
