သျှမ်းပြည်မြောက်ပိုင်း ကျောက်မဲမြို့ ရပ်ကွက် (၉) မှာ ကိုဗစ်-၁၉ အတည်ပြု လူနာ ဆေးရုံမှ ဆင်းပြီး (၃) ရက်မြောက်မှာ သေဆုံးသွားခဲ့ကြောင်း စုံစမ်းသိရှိရသည်။
“ဆေးရုံဆင်းပြီးတော့ အိမ်မှာ အောက်စီဂျင် ရှုနေရတယ်ဆိုတာတော့ သိရတယ်။ အခုပဲ သူ့အိမ်ကနေ အောက်စီဂျင် နှစ်လုံး သယ်ပြီး ဆိုင်ရာအသင်းတွေကို ပြန်ပေးအပ်ခဲ့တယ်။” ဟု ကျောက်မဲဒေသခံ ပရဟိတ အဖွဲ့ တစ်ဦး က သျှမ်းသံတော်ဆင့်ကိုပြောသည်။
သြဂုတ် (၁၀) ရက်နေ့က ဆေးရုံက ဆင်းခဲ့ပြီး တတိယမြောက်နေ့ ယနေ့ သြဂုတ် (၁၂) ရက်မှာ သေဆုံးသွားခဲ့ ကြောင်း သိရှိရသည်။
“ဆေးရုံဆင်းပြီး ဒီနေ့က (၃) ရက်မြောက်လို့ ပြောတယ်။ သက်ကြီးပိုင်း အမျိုးသား တစ်ဦးပါ။ ကျနော်တို့ ဒီမနက်ပိုင်းမှာပဲ အတည်ပြု လူနာ (၂) ဦး နာရေးချပေးရပြီ”ဟု ပရဟိတ တစ်ဦးကပြောသည်။
ကျောက်မဲမြို့တွင် တစ်ရက်လျှင် ပျှမ်းမျှ သေဆုံးသူ (၇) ဦးခန့်ရှိပြီး ကိုဗစ် လကဏဖြင့် သေဆုံးသူများရှိသော်လည်း နေအိမ် ကန့်သတ်ခြင်း နှင့် ကြပ်မတ်စစ်ဆေး ကုသပေးမှုများ အားနည်းနေကြောင်း သိရှိရသည်။
ကျောက်မဲဆေးရုံတွင် ကုသပေးမှုအားနည်းခြင်းကြောင်း ကျန်းမာရေး မကောင်းသူ တစ်ချို့သည် နေအိမ်တွင်သာ ကုသနေမှုများ ပြုလုပ်နေကြသည့်အတွက် သေဆုံးသူ များပြားလာကြောင်း ဒေသခံများက ပြောဆိုကြသည်။
