နိုင်ငံတော်အာဏာကို သိမ်းယူပြီး ရွေးကောက်ပွဲမှတဆင့်အနိုင်ရသည့် ပါတီများမှ ရွေးကောင်တင်မြောက် ထားသည့် လွတ်တော်ကိုယ်စားလှယ်များ၊ ဝန်ကြီးများ၊ ဝန်ကြီးချုပ်များကို ဖမ်းဆီးထောင်ချမှုများ ပြုလုပ် ပြီးနောက် စစ်ကောင်စီသည် သျှမ်းပြည်ဝန်ကြီးချုပ်နှင့် ဝန်ကြီးများကို ခန့်အပ်တာဝန်ပေးခြင်းများ ပြုလုပ်ခဲ့ သည်။
ယမန်နေ့က သြဂုတ်လ ၁ ရက်တွင် စစ်တပ်မှ နိုင်ငံတော် အာဏာသိမ်းယူပြီးနောက် သျှမ်းပြည် စီမံ အုပ်ချုပ်ရေးကောင်စီ ဥက္ကဌ ဖြစ်လာသူ လားရှိုးတက္ကသိုလ် ပါမောက္ခဟောင်း ဒေါက်တာကျော်ထွန်းကို ပြည်နယ်ဝန်ကြီးချုပ်အဖြစ် ခန့်အပ်ကြောင်း စစ်ကောင်စီက အမိန့် ကြေညာထုတ်ပြန်ခဲ့ပါသည်။
ထို့အတူ သျှမ်းပြည်လုံခြုံရေးနှင့် နယ်စပ်ရေးရာဝန်ကြီးအဖြစ် ဗိုလ်မှူးကြီး လှဦး၊ ပြည်နယ် စီးပွားရေးရာ ဝန်ကြီး အဖြစ် ဦးခွန်သိန်းမောင်၊ ပြည်နယ် သယံဇာတရေးရာ ဝန်ကြီး အဖြစ် ဦးစိုင်းလိတ် (SNLD မှဦးစိုင်းလိတ် မဟုတ်ပါ) ၊ ပြည်နယ်လူမှု ရေး ရာ ဝန်ကြီး အဖြစ် ဦးအောင်မြင့်၊ ပြည်နယ် လမ်းပန်းဆက် သွယ်ရေး ဝန်ကြီးအဖြစ် ရဲမှူးချုပ် တင်ကိုကို နှင့် ပြည်နယ်တိုင်းရင်းသားရေးရာဝန်ကြီးအဖြစ် ဦးအောင်ကြည်ဝင်း တို့ကို ခန့်အပ်ကြောင်းလည်း စစ်ကောင်စီက ထုတ်ပြန်ခဲ့ပါသည်။
နိုင်ငံတော် စီမံအုပ်ချုပ်ရေးကောင်စီကို အိမ်စောင့်အစိုးရအဖွဲ့ဟု ပြင်ဆင်ဖွဲ့စည်းကြောင်း ထုတ်ပြန်ကြောညာ ပြီးနောက် တိုင်းဒေသကြီး သို့မဟုတ် ပြည်နယ်စီမံအုပ်ချုပ်ရေးကောင်စီများအား တိုင်းဒေသကြီး သို့မဟုတ် ပြည်နယ်အစိုးရအဖွဲ့များ အဖြစ် ပြင်ဆင်ဖွဲ့စည်းကြောင်း စစ်ကောင်စီက ကြေညာကာ တိုင်း/ပြည်နယ်ဝန်ကြီး များနှင့် ဝန်ကြီးချုပ်များကို ခန့်အပ်တာဝန်ပေးခဲ့ခြင်း ဖြစ်သည်။
ထို့အပြင် သျှမ်းပြည်အထေ ွထွေ အုပ်ချုပ်ရေးဦးစီးဌာန ပြည်နယ်အုပ်ချုပ်ရေးဦးစီးမှူးသည် ပြည်နယ် အစိုးရအဖွဲ့ အတွင်းရေးမှူး အဖြစ် တာဝန်ယူမည် ဖြစ်ကြောင်းလည်း ထုတ်ပြန်ကြေညာချက်တွင် ပါရှိသည်။
အဆိုပါ ဝန်ကြီးနှင့် ဝန်ကြီးချုပ်မျာ ခန့်အပ်တာဝန်ပေးခြင်း ကြေညာထုတ်ပြန်ချက်များသည် စစ်ကောင်စီ၏ ဖွဲ့စည်းပုံ အခြေခံဥပဒေ ပုဒ်မ ၄၁၉ နှင့် ကြောညာချက်ထုတ်ပြန်ခြင်း အမိန့်အမှတ် (၁၅၈/၂၀၂၁)မှာ ဖော်ပြ ပါရှိပါသည်။
Leave a Comments