သျှမ်းပြည်အရှေ့ပိုင်း တာချီလိတ်မြိုတွင်ယမန်နေ့ (ဇူလိုင် ၂၈) ရက် အတွင်း ထပ်တိုးသည့် ကိုဗစ် -၁၉ လူနာများတွင် ၆ လာသားအရွယ် ကလေးသငယ်တစ်ဦးပါဝင်ကြောင်း သိရသည်။
ယမန်နေ့ ( ဇူလိုင်လ ၂၈) ရက်တွင် ထပ်တိုးတွေ့ရှိရသည့် ကိုဗစ် -၁၉ အတည်ပြုလူနာ စုစုပေါင်း ၃၅ ဦး ရှိပြီး အမျိုးသား (၁၉)ဦး နှင့် အမျိုးသမီး (၁၅)ဦး ပါဝင်ရာ အသက် ၆ လသားအရွယ်ကလေးငယ်တစ်ဦး ပါဝင်ကြောင်း သိရသည်။
“မနေ့က ညနေ ၃ နာရီ အထိ ထပ်တိုးလာတဲ့ ကိုဗစ် -၁၉ အတည်ပြုလူနာက စုစုပေါင်း ၃၅ ဦးရှိပါတယ်၊ အဲ့ထဲမှာ ၆ လသားအရွယ် ကလေးငယ်တစ်ဦနဲ့ အသက် ၆၅ နှစ်အရွယ်ထိ အမျိုးသား ၁၉ ဦး၊ အမျိုးသမီး ၁၅ ဦးကနေ စစ်ဆေးတွေ့ရှိခဲ့တာပါ” ဟု တာချီလိတ်မြို့မှ ပရဟိတ အသင်းဝင် တစ်ဦးက သျှမ်းသံတော်ဆင့်ကို ပြောသည်။
တာချီလိတ်မြို့တွင် ကိုဗစ် -၁၉ ကူးစက်ရောဂါ ကူးစက်ပျံ့နှံ့မှု တတိယလှိုင်းအတွင်း ပြီးခဲ့သည့် ဇွန်လ ၂၈ ရက်နေ့မှ ဇူလိုင် ၂၈ ရက်နေ့ အထိတစ်လအတွင်း ကိုဗစ်ရောဂါ ကူးစက်ခံထားရသူ (၁၁၅၀) ထက်မနည်း ရှိနေပြီး သေဆုံးသူမှာ (၆)ဦးအထိ ရှိနေပါသည်။
Leave a Comments