သျှမ်းပြည်မြောက်ပိုင်း လောက်ကိုင်မြို့တွင် တစ်လကျော်ကာလအတွင်း ကိုဗစ် -၁၉ ကူးစက်ရော တတိယလှိုင်း ကူးစက်ခံရသူ အတည်ပြုလူနာ ၃၀၀၀ ကျော်ရှိလာပြီး ကိုဗစ် -၁၉ ကြောင့် သေဆုံးရသူ ၈ ဦးရှိလာပြီဖြစ်ကြောင်း သိရသည်။
ပြီးခဲ့သည့် ဇွန်လ ၁၆ ရက်မှ ယမန်နေ့ ဇူလိုင်လ ၂၇ ရက်နေ့အထိ တစ်လကျော် ကာအတွင်းပိုးတွေ့လူနာ ၃၀၀၀ ကျော်အနက် ရောဂါသက်သာလာသူ ၁,၇၂၁ ဦး ရှိနေကြောင်း လည်းသိရသည်။
“ဟုတ်ပါတယ်၊ အခုကိုဗစ် ပိုးတွေ့လူနာက ၃၀၀၀ ကျော်ရှိလာပြီ ဖြစ်ပါတယ်၊ ကိုဗစ်ထိန်းချုပ်ရေး ကော်မတီက ထုတ်ပြန်ချက်အရဆိုရင် ချင်းရွှေဟော်က ၁၅၄ ဦးနဲ့ လောက်ကိုင် ၂၉၀၃ ဦးကို ပေါင်း လိုက်တော့ ၃၀၀၀ ကျော်သွားလေ”ဟု ဒေသခံ ပြည်သူတစ်ဦးက သျှမ်းသံတော်ဆင့်ကို ပြော သည်။
ပြီးခဲ့သည့် ဇွန်လ ၁၆ ရက်နေ့မှာ ကိုဗစ် -၁၉ တတိယလိုင်း အတည်ပြုပိုးတွေ့လူနာ စတင်တွေ့ရှိသည့် လောက်ကိုင်မြို့ကို ဇွန်လ ၂၇ ရက်က Stay at Home မြို့အဖြစ် စစ်ကောင်စီလက်အောက်ခံ ကျန်းမာ ရေး နဲ့ အားကစားဝန်ကြီးဌာနက ထုတ်ပြန်ထားသည်။
လောက်ကိုင်မြို့တွင်းတွင် လူဦးရေ (၁,၂၀၀) ဆံ့ Quarantine Centre ကြီးတစ်ခုကို ဆောက်လုပ်ထား သည့်အပြင် နေ့စဉ် လူနှစ်ထောင်ကျော်ကို စစ်ဆေးနိုင်သည့် PCR စက် ၄ လုံးလည်း တပ်ဆင်ထားပြီး လူနာများကို လက်ခံ ကုသပေးနေကြောင်းလည်း သိရသည်။