သျှမ်းပြည်မြောက်ပိုင်း မူဆယ်မြို့တွင် ယမန့်နေ (ဇူလိုင် ၂၇) တရက်တည်း ကိုဗစ် -၁၉ လူနာ (၇) ဦးရှိကြောင်း စုံစမ်းသိရှိရသည်။
ထိုသေဆုံးသူများသည် ရောဂါအခံရှိသူများ၊ အသက်ငယ်သူများလည်းပါကြောင်း မူဆယ်မြို့ ဂရုဏာလူမှုကူညီရေး အသင်းက ပြောသည်။
“ သေသွားတာကတော့ ရောဂါအခံရှိတဲ့သူလည်းပါါတယ်။ အသက်ငယ်တဲ့သူကော၊ ပြီးတော့ ဝတဲ့သူတွေကောပါတယ်။ ခုက ရောဂါကကူးစက်မြန်နေတယ်။ အဲကြောင့် ပိုပြီးသတိထားသွားလာစေချင်တယ်။” ဟု မူဆယ်မြို့ ဂရုဏာလူမှုကူညီးရေးအသင်းကပြောသည်။
မူဆယ်မြို့တွင် ရပ်ကွက်များကို Lockdown ချထားပြီး တစ်အိမ်တွင် ဈေးဝယ်ထွက်ခွင့်ကဒ်ပြားပေးထားသော်လည်း တချို့ရပ်ကွက်တွင် လူစည်ကားနေသေးကြောင်း သိရသည်။
ထိုတွင် ကိုဗစ် -၁၉ ရောဂါကို ကာကွယ်ရန်အတွက် အတက်နိုင်ဆုံးမလိုအပ်ပါက အပြင်မထွက်ရန်အတွက် လူမှုကူညီရေးအသင်းများ က တောင်းဆိုလိုက်သည်။
“ တစ်အိမ်ကို ဈေးဝယ်ကဒ်တစ်ခုပေးလည်း လူတွေကတော့စည်းကား နေသေးတယ်။ ရောဂါကတော့ ကူးစက်တာမြန်တယ်။ ကိုယ်ကိုယ့်ပိုပြီးဂရုစိုက်သင့်တယ်။ မလိုအပ်ရင် ကိုယ့်အိမ်မှာကိုယ်နေကြပါ။ အပြင်မထွက်ကြပါနဲ့” ၎င်းက ဆိုသည်။
မူဆယ်မြို့တွင် ကိုဗစ် ၁၉ ကြောင့် သေဆုံးသူ( ၃၀ )ကျော်ရှိနေပြီးဖြစ်ကြောင်းသိရသည်။
မြန်မာနိုင်ငံတွင် ဇွန်လ ပိုင်းမှ စတင်ပြီး ကိုဗစ် ၁၉ ရောဂါပြန့်ပွားခဲ့ရာတွင် သေဆုံးမှုနှုန်းအလွန်မြင့်တက်ခဲ့သည်။
