Monday, April 22, 2024

၂၀၂၀ ရွေးကောက်ပွဲ ရလဒ်ကို ဆက်လက်အသိအမှတ်ပြုသွားမည်ဟု SNLD ပြော

Must read

၂၀၂၀ ရွေးကောက်ပွဲ ရလဒ် ကို စစ်ကောင်စီ ပယ်ဖျက်သော်လည်း ရွေးကောက်ခံ အနိုင်ရ လွှတ်တော်ကိုယ်စားလှယ်များကို လူထုကိုယ်စားလှယ်များအဖြစ် လက်ခံထားကြောင်း ရှမ်းတိုင်းရင်းသားများ ဒီမိုကရေစီအဖွဲ့ချုပ် (SNLD) က ဆိုသည်။

ရှမ်းတိုင်းရင်းသားများ ဒီမိုကရေစီအဖွဲ့ချုပ် (SNLD) သည် ၂၀၂၀ ရွေးကောက်ပွဲမှာ (၄၂) ဦး အနိုင်ရရှိခဲ့ပြီး မြန်မာတစ်ပြည်လုံးမှာ တတိယအများဆုံး အနိုင်ရရှိခဲ့သည့် ပါတီ တစ်ခုဖြစ်သည်။


ဇူလိုင် (၂၆) ရက် ည (၈) နာရီအချိန်မှာ စစ်ကောင်စီလက်အောက်ခံ ပြည်ထောင်စု ရွေးကောက်ပွဲကော်မရှင်က ၂၀၂၀ ရွေးကောက်ပွဲ ရလဒ်ကို ပယ်ဖျက်လိုက်ကြောင်း ကြေညာလိုက်သည်။

၂၀၂၀ ရွေးကောက်ပွဲ ရလဒ်သည် ပြည်သူလူထု၏ လွတ်လပ်စွာ မဲပေးပိုင်ခွင့်အပေါ် အခြေခံပြီး ထွက်ပေါ်လာသည့် ရလဒ်ဟု ယူဆကြောင်း၊ ရွေးကောက်ပွဲမှာ မဲမသမာမှုတွေ မဲစာရင်းအမှားယွင်းတွေ ရှိပင်ရှိခဲ့ညားသော်လည်း အများစုသော မဲဆန္ဒများက လွတ်လပ်မျှတမှုအပေါ်မှာ မူတည်ပြီးလွတ်လပ်စွာ ရွေးချယ်တင်မြောက် မဲပေးခဲ့ကြကြောင်း SNLD ၏ အထွေထွေအတွင်းရေးမှူး စိုင်းလိတ်က သျှမ်းသံတော် ဆင့်ကို ပြောသည်။

“ အရွေးချယ်ခံထားရတဲ့ လွှတ်တော်ကိုယ်စားလှယ်တွေဟာ လူထုက သူတို့ကို မှန်မှန်ကန်ကန် လွတ်လွတ်လပ်လပ် ရွေးချယ်တင်မြောက်ထားတာမလို့ သူတို့တွေရဲ့ ဖြစ်တည်မှု အနေအထားအရဆို လို့ရှိရင်လည်း သူတို့ရွေးချယ်တင်မြောက်တဲ့ လူထုရဲ့ ကိုယ်စားလှယ်အဖြစ်ပဲ ကျနော်တို့က ဆက်လက်ပြီးတော့ အသိအမှတ်ပြုသွားမှာဖြစ်ပါတယ်” ဟု ရ စိုင်းလိတ် က ပြောသည်။

၂၀၂၀ နိုဝင်ဘာ (၈) ရက်နေ့က ကျင်းပခဲ့သည့် ရွေးကောက်ပွဲ ဖွဲ့စည်းပုံအခြေခံ ဥပဒေ၊ ပြည်ထောင်စု ရွေးကောက်ပွဲ ဥပဒေ၊ သက်ဆိုင်ရာ လွှတ်တော် ရွေးကောက်ပွဲ ဥပဒေ နည်းဥပဒေများနှင့် ညီညွှတ်မှု မရှိသည့်အပြင် လွတ်လပ်ပြီး တရားမျှတမှု မရှိသည့်အတွက် ရွေးကောက်ပွဲဖြစ်ကြောင်း စစ်ဆေးတွေ့ရှိသည့်အတွက် ပယ်ဖျက်လိုက်တာဖြစ်ကြောင်း စစ်ကောင်စီ လက်အောက်ခံ ရွေးကောက်ပွဲ ကော်မရှင်က ထုတ်ပြန်ချက်မှာဖော်ပြထားသည်။

“ရွေးကောက်ပွဲ ကာလမှာ လူထုဆန္ဒအရ ထွက်ပေါ်လာတဲ့ မဲရလဒ်ကို လက်ခံပါ့မယ်၊ လေးစား အသိအမှတ်ပြုပါ့မယ် ပြောထွက်ထားပြီး နောက်ပိုင်းကျမှ ကဖျက်ယဖျက် လုပ်တာမျိုးက တရားမျှတတဲ့ လုပ်ရပ်လို့ မယူဆပါဘူး၊ မတရားမှုကို ဘယ်သူကပဲ လုပ်လုပ် ကျနော်တို့က လက်သင့်မခံပါဘူး” ဟု စိုင်းလိတ် ကပြောသည်။

မြို့နယ်အလိုက် မဲစာရင်းများ စစ်ဆေးတွေ့ရှိချက်အရ မဲမသမာမှု ဖြစ်ပွားမှုများ မှားယွင်းခဲ့သည့် တနိုင်ငံလုံး မဲဆနရှင်အရေအတွက် စုစုပေါင်း (၁၁ ၃၀၅ ၃၉၀) ဦးရှိတာတွေ့ရှိရကြောင်း၊ ဆနမဲ လက်မှတ်များကို မြေပြင်မှာ ဖွင့်ဖောက်စစ်ဆေးရာမှာ မဲရုံတိုင်းမှာ ဆနမဲ လက်မှတ်တွေ လျော့နည်း ပျောက်ဆုံးခြင်း၊ တရားမဝင် အပိုရှိနေတာကို တွေ့ရှိရကြောင်း ထုတ်ပြန်ထားသည်။

၂၀၂၀ နိုဝင်ဘာ (၈) ရက်နေ့က ကျင်းပခဲ့သည့် ပါတီစုံ အထွေထွေ ရွေးကောက်ပွဲမှာ တစ်သီးပုဂလ (၂၆၀) ဦး အပါအဝင် ပါတီပေါင်း (၈၇) ပါတီမှ ကိုယ်စားလှယ်လောင် (၅၆၃၉) ဦးတို့က မဲဆနနယ် စုစုပေါင်း (၁၁၁၇) နေရာမှာ ဝင်ရောက်ယှဉ်ပြိုင်ခဲ့ကြသည်။

အဆိုပါ ရွေးကောက်ပွဲတွင် ရှမ်းတိုင်းရင်းသားများဒီမိုကရေစီအဖွဲ့ချုပ်က အမျိုးဟားလွှတ်တော် အမတ် ၂ နေရာ၊ ပြည်သူ့လွှတ်တော် ၁၃ နေရာ၊ ပြည်နယ်လွှတ်တော် ၂၈ နေရာ အသီးအသီး အနိုင်ရရှိထားပါသည်။

၂၀၂၀ ပါတီစုံ အထွေထွေ ရွေးကောက်ပွဲသည် လွတ်လပ်မျှတသည့် ရွေးကောက်ပွဲဖြစ်ကြောင်း ပြည်တွင်း ပြည်ပ လေ့လာစောင့်ကြည့်အဖွဲ့တွေက ကြေညာထားပြီး ဖြစ်သလို ရွေးကောက်ပွဲ ရလဒ်ကိုလည်း နိုင်ငံတကာက အသိအမှတ်ပြုထားပြီ ဖြစ်သည်။

Leave a Comments

- Advertisement -spot_img

Latest article