သျှမ်းပြည်မြောက်ပိုင်း ကွက်ခိုင်မြို့နယ်ဆေးရုံမှာ ဆေးကုသနေသည့် ကိုဗစ်-၁၉ ဖြင့် သေဆုံးသွားသည့် လူနာအလောင်းကို မိသားစုဝင်များ ရွာထဲပြန်သယ်ရန် ကြိုးစားနေကြောင်း စုံစမ်းသိရသည်။
ယမန်နေ့ ဇူလိုင် (၂၅) ရက်နေ့က အသက် (၅၅) နှစ်အရွယ် အမျိုးသမီးတစ်ဦး ကိုဗစ်-၁၉ ဖြင့် သေဆုံးသွားကာ မိသားစုဝင်များကာ ထိုလူနာကို ကင်ဆာရောဂါ ဖြင့် သေဆုံးသွားသည်ဟု ပြောဆိုပြီး နေရပ်သို့ အလောင်းသယ်ပြန်သွားရန် ကြိုးစားမှုရှိခဲ့သည် ဟု ကွတ်ခိုင် ပရဟိတ တစ်ဦးက သျှမ်းသံတော်ဆင့်ကို ပြောသည်။
“သူ့သားသမီးတွေက ရွာသယ်ပြန်ချင်တယ်လို့ပြောတယ်။ ဒါပေမယ့် ခွင်မပြုပါဘူး။ ကျန်းမာရေး ဗဟုသုတလိုအပ်သလို အသိနည်းတာပေါ့နော်။ ကျန်းမာရေး အသိရှိဖို့ လိုအပ်တယ်” ဟု ကွက်ခိုင်ပရဟိတ တစ်ဦး ကပြောသည်။
အလောင်းကို ရွာသယ်ပြန်ချင်တာနှင့် ပတ်သက်ပြီး လူနာမိသားစု နှင့် အိမ်နီးချင်းများကို ကျန်းမာရေး အသိပညာအမြန်ဆုံး ပေးရမည်ဖြစ်ကြောင်း ဒေသခံများက ပြောဆိုကြသည်။
ကူးစက်မြန် ကိုဗစ်-၁၉ တတိယလှိုင်းမှာ ကွက်ခိုင်မြို့နယ်တွင် ကိုဗစ်-၁၉ ကြောင့် သေဆုံးသူ (၆) ဦးရှိပြီဖြစ်ကြောင်း စုံစမ်းသိရှိရသည်။
Leave a Comments