သျှမ်းပြည်တောင်ပိုင်း တောင်ကြီးမြို့နယ်အတွင်းရှိ တစ်ချို့မြို့များ မီတာခ မပေးဆောင် သဖြင့် မီးကြိုးဖြတ်ခံရကြောင်း စုံစမ်းသိရသည်။
လက်ရှိ မီးမီတာမဆောင်သည့် တောင်ကြီးမြို့နယ် ရှိ ရွှေညောင်မြို့ နှင့် ညောင်ရွှေမြို့ မှနေအိမ်များ မီးကြိုးဖြတ်ခံရ ကြောင်း သတင်းရရှိသည်။
ယနေ့ ဇူလိုင်လ ၁၃ ရက်နေ့ နေ့လည်ပိုင်းအချိန်တွင် မီတာဖတ်လာသည့် ဝန်ထမ်းတစ်ဦးသည် မီတာများ ပေးဆောင်ကြရန်၊ မဆောင်ပါက မီတာကြိုးကို ဖြတ်ပစ်မည် ခြိမ်းခြောက်ပြောဆိုပြီး မီးကြိုးကို တက်ဖြတ်လိုက်ကြောင်း အမည်မဖော်လိုသည့် ညောင်ရွှေမြို့နေ ပြည်သူတစ်ဦးက သျှမ်းသံတော်ဆင့်ကို ပြောသည်။
“ မီတာဆောင်ဖို့ လာပြောဝောာ့ ခုချက်ချင်းမဆောင်ရင် မီတာဖြတ်မယ်ဆိုပြီး အိမ်ရှေ့က ဓါတ်တိုင်ကို တက် ပြီး ချက်ချင်းဖြတ်သွားတယ်၊ ချက်ချင်းသွားဆောင်ပေး မဆောင်ရင် မီတာကြိုးအဖြတ်ခံရမယ် ဆိုပြီးလေ သံ မာမာနဲ့ပြောသွားတယ်” ဟု ညောင်ရွှေမြို့နေ ပြည်သူတစ်ဦး က ဆိုသည်။
အဆိုပါ မီတာဖတ်ဝန်ထမ်းများ ယူဆောင်လာသည့် မီတာစာရွက်များသည်လည်း အရည်အသွေး အချက်အ လက်များ ဘာမှမပါရှိသည့် ပလာစာရွက်ပေါ်တွင် မီတာယူနစ်နှင့် ပေးဆောင်ရမည့် ငွေပမာဏများကိုသာ ရေးသားထားသည့် စာရွက်သာ ဖြစ်ကြောင်းလည်း သိရသည်။
“ကျမတို့ အိမ်မှာ မီတာဆောင်ဖို့ကျတော့ လာပြောပြီး မီတာစာရွက်တော့ မပေးဘူး၊ မေးတော့ ရုံးမှာသွား တောင်းပါတဲ့၊ ရုံးကလူတွေကို သွားမေးတော့ ရပ်ကွက်ရုံးကို အကုန်ပေးလိုက်ပြီတဲ့၊ မီတာခ ဘယ်လိုဆောင် ရမလဲဆိုတော့ စာရွက်ပေါ် ချရေးပေးလိုက်တာ” ဟု ညောင်ရွှေမြို့နေ အမျိုးသမီးတစ်ဦးက သျှမ်းသံတော်ဆင့် ပြောသည်။
အလားတူပင် ယမန်နေ့ နေ့လည်ပိုင်းအချိန်တွင် ရွှေညောင်မြို့၊ ရွှေဘုံသာရပ်ကွက်အတွင်း ဇူလိုင်လ ၂၅ ရက်နောက်ဆုံးထားပြီး မီတာခများပေးဆောင်ပေးရန် နှင့် မပေးဆောင်ပါက မီတာကြိုး ဖြတ်ခံရမည်ဟု မီတာဖတ်သည့် ဝန်ထမ်းက ခြိမ်းခြောက်ပြောဆိုသွားကြောင်း သိရသည်။
ကိုဗစ် -၁၉ ရောဂါပိုး ကူးစက်ပျံ့နှံမှု တတိယလှိုင်းကြောင့် ပြည်သူများ စားဝတ်နေရေး နှင့် ကျန်းမာရေးအ တွက် အဖက်ဖက် ခက်ခဲနေချိန်တွင် စစ်ကောင်စီ လက်အောက်ခံ လျှပ်စစ်ဝန်ထမ်းများ၊ မီတာဖတ်ဝန် ထမ်းများက ဤကဲ့သို့ ပြည်သူများကို မီတာခ ပေးဆောင်ရန် ဖိအားပေးခြိမ်းခြောက်ပြောဆိုမှုများသည် မပြုလုပ်သင့်ကြောင့် မအင်းသူလေး (နာမည်လွဲ) က သျှမ်းသံတော်ဆင့်ကို ပြောသည်။
“စားဖို့တောင် အနိုင်နိုင်ရုံးကန်နေရတဲ့ အခုလိုချိန်မှာ ဒီလိုခြိမ်းခြောက်တောင်းဆိုတာ မလုပ်သင့်ပါဘူး၊ ပြည် သူတွေကို သနားညှာတာတယ်ဆိုရင် အခုလိုချိန်မှာ ပြည်သူတွေ ဘယ်လိုနေရတယ်၊ ဘယ်လို ရှာဖွေစား သောက်နေရလဲဆိုတာ လေ့လာတတ်ရမယ်လို့မြင်တယ်၊ ကျမတို့ ညောင်ရွှေမြို့က နိုင်ငံခြားသား တွေနဲ့ အဓိက မှီခိုလုပ်ကိုင်ကြတာလေ၊ အခုဆို အဆင်မပြေမှုတွေက အများကြီးပါ” ဟု ၎င်း၏ အမြင်ကို ပြောပြသည်။
