သျှမ်းပြည် အရှေ့ပိုင်း ကျိုင်းတုံမြို့သို့ လာရောက်မည်ဆိုပါက မိမိစားစရိတ်ဖြင့် Quarantine ( ၁၀ )ရက် ဝင်ရမည် ဖြစ်ကြောင်း သိရသည်။

လက်ရှိတွင် တောင်ကြီး၊ တာချီလိတ်နှင့် သျှမ်းမြောက်မှ လာမည်သူများ အားလုံး Quarantine ထားရှိသွားမည်ဖြစ်ပြီး Quarantine ဝင်နေစဉ် ကာလအတွင်း နေထိုင်စားသောက် စားရိတ်များ အားလုံးကို မိမိစားစရိတ်ဖြင့် ဝင်ရမည် ဖြစ်ကြောင်း သိရသည်။

“အခုတော့ အခမဲ့ မဖြစ်တော့ဘူး၊ ကျိုင်းတုံကို လာတဲ့သူတိုင်း ကိုယ့်စရိတ်နဲ့ကိုယ်ကွာရန်တင်း ၁၀ ရက်ပြည့်အောင် ဝင်ရမယ်၊ ထောက်ခံစာလည်း ယူလာရမယ်” ဟု ကျိုင်းတုံမြို့ ဒေသခံတစ်ဦးက သျှမ်းသံတော်ဆင့်ကို ပြောသည်။

Quarantine ဝင်ရသူများအနေဖြင့် Quarantine ဝင်နေစဉ် ကာလတအတွင်း ၂ ကြိမ် ဆေးစစ်မှု ပြုလုပ် ရမည် ဖြစ်ကြောင်းလည်း သိရသည်။

လက်ရှိတွင်လည်း ကျိုင်းတုံမြို့ အတွင်း ကိုဗစ် -၁၉ ကူးစက်ရောဂါပိုး ကူးစက်ပျံ့နှံ့မှု များပြားလာနေ သည့်အတွက် အသွားအလာ ကန့်သတ်ချက်များလည်း တင်းကြပ်စွာပြုလုပ်ထားကြောင်း သိရသည်။