သျှမ်းပြည်မြောက်ပိုင်း ကျောက်မဲမြို့နယ် နောင်ပိန်ဈေး၏ တောင်ဖက်ထွက်ပေါက် အနီးတွင် ယနေ့(ဇွန် ၂၆)ရက် မနက် (၇)နာရီခွဲဝန်းကျင်တွင် အမျိုးသားတစ်ဦး သေနတ်ဖြင့် ပစ်သတ်ခံရကြောင်း သတင်းရရှိသည်။
ပစ်သတ်ခံရသည့်အမျိုးသားသည် ကျောက်မဲမြိုနယ်အတွင်း၊ နမ့်ဝရွာတွင် နေထိုင်သူ အသက်(၄၈)နှစ်ရှိ စိုင်းယုံဆိုသူဖြစ်ပြီးသေနတ် (၃)ချက် ပစ်သတ်ခံရကြောင်း သိရသည်။
“လူနှစ်ယောက်က ဆိုင်ကယ်စီးလာပြီး သေနတ်နဲ့ (၃)ချက် ဒီဈေးနား လမ်းမပေါ်မှာပဲ ပစ်သတ်သွားတာ၊ပွဲချင်းပြီး သေသွားတယ်” ဟုညအမည်မဖော်လိုသည့် နောင်ပိန်ဈေးနား နေထိုင်သူ တစ်ဦးက သျှမ်းသံတော်ဆင့်ကိုပြောသည်။
ပစ်သတ်ခံရသူ စိုင်းယုံသည် ဦးခေါင်း နှင့် ဘက်ဖက်လက်မောင်းတွင် ကျည်ထိမှန်ကာ သေဆုံးခြင်း ဖြစ်ပြီး နံဘေးရှိ မော်တော်ယာဉ် တံခါးမှန်ကိုလည်း ကျဉ်(၁)ချက် ထိကြောင်း သိရသည်။
သေဆုံးသည့် ရုပ်အလောင်းအား ကျောက်မဲပြည်သူ့ဆေးရုံ၏ ရင်ခွဲရုံသို ကမ်းလင့်လက်များ လူမှုကူညီရေးအသင်း(နောင်ပိန်)က ပိုဆောင်ပေးထားကြောင်း သိရသည်။
Leave a Comments