ကရင်နီပြည် (ကယားပြည်) တွင်းရှိ စစ်ရှောင်များသည် စားနပ်ရိက္ခာများ၊ဆေးဝါးများ အခက်အခဲ နေကြောင်း စုံစမ်းသိရှိရသည်။
စစ်ကောင်စီ နှင့် ကယားပြည်သူ့ ကာကွယ်ရေးတပ်ဖွဲ့ (PDF) တပ်ဖွဲ့ တို့တိုက်ပွဲကြောင်း စစ်ရှောင်များ နေရပ်သို့ အများအပြား ထွက်ပြေးတိမ်းရှောင်ခဲ့ရကြောင်း သတင်းရရှိသည်။
“တစ်ချို့နေရာမှာ စစ်ရှောင်တွေကတော့ ရိက္ခာပြတ်၊ ဆေးဝါးပြတ်နေတယ်။တစ်ချို့နေရာကျတော့ တစ်ပတ်စာလောက်ပဲကျန်တော့တယ်။ နေရာတိုင်းမှာ စစ်ကောင်စီတွေ နေရာယူထားတယ်။ တပ်စွဲထားတယ်” ဟု ဒီမော့ဆို စစ်ရှောင်တစ်ဦး ကပြောသည်။
မေလနှောင်းပိုင်း မှစတင်ပြီး နှစ်ဖက်တိုက်ပွဲကြောင့် ကရင်နီပြည်ရှိ ဒီမော့ဆို၊ဖရူဆို၊ မိုးဗြဲ နှင့် လွိုင်ကော် စသည်မြို့များ သည် ဒေသခံ ပြည်သူများ ထွက်ပြေး ယနေ့ချိန်ထိ ထွက်ပြေး တိမ်းရှောင်ခဲ့ရ ကြောင်း စုံစမ်းသိရှိရသည်။
“တောထဲမှာပဲ အဆင်ပြေသလို နေကြတာ။ စစ်ရှောင်စခန်းက ခုထိ အတည်တကျ မထောင်နိုင်သေးဘူး။မြို့ပေါ် နဲ့ မြို့နဲ့ နီးတဲ့ ရွာတွေ အကုန်ရှောင်ကြတယ်။ ဘုရားကျောင်းတွေမှာလည်း အစက စစ်ရှောင်တွေ သွားကြတယ်။ လက်နက်ကြီးတွေ နဲ့ချလို့ ထပ်ရွေ့လိုက်ရတယ်။ အလံဖြူထောင်ထားတဲ့ ဘုရားကျောင်းတွေကိုလည်း ပစ်တာ။ တစ်ချို့လည်း အိမ်တွေ ပျက်ကုန်ပြီ” ဟု ဒီမော့ဆို စစ်ရှောင် တစ်ဦးကပြောသည်။
ဇွန် (၁၁) ရက်တွင် သျှမ်း – ကရင်နီနယ်စပ်ဖြစ်သည့် မိုးဗြဲမြို့အနီးရှိ လွယ်ယင်းတောင်ခြေမှာ စစ်ဘေးရှောင်ပြည်သူများ အတွက် ပေးပို့သည့် ဆန်၊ ဆေးဝါးကို စစ်ကောင်စီတပ်က မီးရှို့ဖျက်ဆီးခဲ့သည်။
“သူတို့ မီးရှို့ ဖျက်ဆီးတာ ဆန်အိတ် (၈၀) လောက်ရှိမယ်။ စစ်ရှောင်အတွက် ပို့တဲ့ပစ္စည်းသွားထုတ်လည်း ဖမ်းခံရတယ်။ စစ်ကောင်စီက စစ်ရှောင်အတွက် လှူလည်း ဖမ်းနေတယ်” ဟု စစ်ဘေးရှောင်ကူညီပေးနေသူတစ်ဦးက ထပ်လောင်းပြောသည်။
လက်ရှိမှာ ကရင်နီစစ်ရှောင်တွေ အားလုံး (၁) သိန်းကျော်လောက်ရှိလာပြီဖြစ်ကြောင်း၊ စစ်ရှောင်စခန်းသီးသန့်မရှိဘဲ တောထဲတွင်သာ ရှောင်နေရကြောင်း စစ်ဘေးရှောင် ကူညီပေးသည့် သူ တစ်ဦးကပြောသည်။
ကရင်နီပြည် တိုက်ပွဲကြောင့် ထွက်ပြေးတိမ်းရှောင်နေသူ တစ်သိန်းကျော်ရှိပြီး ဒီးမော့ဆိုမြို့နယ်သည် စစ်ရှောင်ဦးရေ အများဆုံးဖြစ်ပြီး တစ်ချို့သော စစ်ဘေးရှောင်များသည် အသက်လွတ်ရုံသာ ပြေးနေရသည့်အတွက် နေရာထိုင်ခင်း အခက်ခဲရှိကြောင်း စုံစမ်းသိရှိရသည်။
Leave a Comments