သျှမ်းပြည်မြောက်ပိုင်း သီပေါမြို့ ရေဟော်ဘုန်းကြီးကျောင်းရှိ စစ်ဘေးရှောင် (၄၀၀) ကျော် နေရာပြောင်းရွှေ့ နေရသဖြင့် ရေ၊ မီး အခက်အခဲ ဖြစ်နေကြောင်း စုံစမ်းသိရသည်။
သီပေါမြို့ ရေဟော်ဘုန်းကြီးကျောင်းတွင် မကြာခင် ဘက စာသင်ကျောင်များ ပြန်လည်ဖွင့်လှစ်တော့မည် ဖြစ်သဖြင့် ထိုဘုန်းကြီးကျောင်းတွင် ခိုလှုံနေထိုင်သည့် စစ်ဘေးရှောင် (၄၂၀)ဦးကို သီပေါမြို့ နှင့် ၇မိုင်ဝေးကွာသည့် သီပေါ- နမ္မတူ လမ်းပေါ် ရှိ တုံ့ဆင့်ကျေးရွာအုပ်စု အတွင်း ဘက်စုံသုံး ဘေးသင့်အဆောက်အဦးသို့ ပြောင်ရွှေ့ပေးထားကြောင်း သိရသည်။
“သီပေါနဲ့ ၇ မိုင်လောက်ရှိတယ်။ ဒုကရောက်တယ်။ ရေ နဲ့ မီးမရှိတော့။ မီးက ဖယောင်းတိုင်ရှိရင် ဖယောင်းတိုင်ထွန်း တယ်” ဟု စစ်ဘေးရှောင်များကို ကူညီပေးသူ တစ်ဦး ကပြောသည်။
ထိုစစ်ရှောင်များသည် မေ (၂၃) ရက် က ပြောင်းရွေ့သွားပြီး ထိုပြောင်းရွှေ့သွားသည့် အဆောက်အဦးသည် အသစ်ဖြစ်ပြီး အဆောက်အဦးပြီးစီးရန် အနည်းငယ် လိုအပ်နေသေးကာ ရေ၊ မီး ခက်ခဲမှု ရင်ဆိုင်ကြုံတွေ့နေရကြောင်း စစ်ဘေးရှောင်ကူညီသူများက ပြောသည်။
“စစ်ရှောင်တွေက ရေသွားချိုးရင်တော့ နည်းနည်းအခက်ခဲဖြစ်တယ်။ နည်းနည်းလှမ်းတော့ သောက်သုံးရေတော့ အလှူရှင်တွေ လာလှူထားတဲ့ သောက်ရေသန့် နည်းနည်းရှိသေးတယ်။” ဟု စစ်ရှောင်ကော်မတီဝင် တစ်ဦး ကပြောသည်။
ထိုစစ်ဘေးရှောင် (၄၂၀)ကျော်သည် ယခင်တွင် နမ္မတူမြို့နယ် မန်လီကျေးရွာတွင် နေထိုင်သည့် ဒေသခံများဖြစ်ပြီး ရှမ်းပြည်ပြန်လည်ထူထောင်ရေးကောင်စီ၊ရှမ်းပြည်တပ်မတော် (RCSS/SSA) နှင့် မြောက်ပိုင်းမဟာမိတ်တို့ ကြားတိုက်ပွဲကြောင့် သီပေါမြို့သို့ ထွက်ပြေးတိမ်းရှောင်လာကြသူများဖြစ်သည်။
Leave a Comments