သျှမ်းပြည်မြောက်ပိုင်း နမ့်ဆန်မြို့ရှိ စာသင်ကျောင်းအနီး ဗုံးပေါက်ကွဲမှုဖြစ်ပွားပြီး စစ်ကောင်စီ တပ်ဖွဲ့ မှ ရဲစခန်းမှူးအပါအဝင် (၅) ဦးသေဆုံးသွားကြောင်း စုံစမ်းသိရှိရသည်။
ယမန်နေ့ မေ (၂၀) ရက် ည ၉ နာရီခန့်တွင် နမ့်စန်မြို့ရှိ အထက (၁) ခွဲ ကျောင်းအနီးရှိ ကပေါ်တွင် ဗုံးထောင်ထားပြီး၊ စစ်ကောင်စီ အုပ်စု ဗုံးကို လာရှင်းသည့် အချိန် ပေါက်ကွဲမှုဖြစ်ပွားခဲ့ကြောင်း ရဲစခန်းမှူးအပါအဝင် (၅)ဦး သေဆုံးကာ (၆)ဦး ဒဏ်ရာရရှိကြောင်း နမ့်ဆန်ဒေသခံ တစ်ဦးက သျှမ်းသံတော်ဆင့် ကို ပြောသည်။
“ မနေ့က ဗုံးပေါက်ကွဲတာ ရဲ တပ်ဖွဲ့ဝင် (၅)ဦး ၊(၆)ဦးလောက် သေဆုံးသွားပြီ။ (၆)ဦး ဒဏ်ရာရရှိထားတယ်” ဟု နမ့်ဆန်ဒေသခံ တစ်ဦး က ဆိုသည်။
ထိုနည်းတူ ယမန်နေ့( မတ် ၂၀)ရက် မနက် (၁၁)နာရီ အချိန်တွင် နမ့်ဆန်မြို့နယ် မန်ကန်ကျေးရွာအောက်ရှိ တံတားအနီး တွင် စစ်ကောင်စီ အုပ်စု မှ သံဃာတော်ကား(၂)စီး၊ သဲတင်ကား(၁)စီးကို ငှားရမ်း စီးနင်းလာသည့်ကား မိုင်းခွဲတိုက်ခိုက်ခံရကြောင်းသိရသည်။
စစ်အာဏာသိမ်းပြီး (၃)လကျော်အကြာ ပထမဆုံးဗုံးပေါက်ကွဲမှုဖြစ်ပွားခဲ့ကြောင်း၊ စစ်အာဏာရှင်ဆန့်ကျင်လှုပ်ရှားမှုကို နမ့်ဆန်ဒေသခံ ပြည်သူများက နေ့စဉ်ပြုလုပ်နေကြကြောင်း လည်း သိရသည်။
“နမ့်ဆန်မှာ စစ်အာဏာရှင်ကို ဆန့်ကျင်ဆန္ဒပြတဲ့ ကာလအတွင်း ဒါပထမဆုံး ဗုံးပေါက်ကွဲမှု ဖြစ်တာလို့ ပြောလို့ရတယ်။ဒ စစ်အာဏာရှင် စနစ်ကို ကျနော်တို့လည်း မနှစ်သက်ဘူး” ဟု နမ့်ဆန်ဒေသခံ တစ်ဦး ကပြောသည်။
စစ်အာဏာရှင် အလိုမရှိကြောင်း ဆန္ဒပြ ပြည်သူများကို အကြမ်းဖက် စစ်ကောင်စီက အကြမ်းဖက် ဖြိုခွင်းခြင်း၊ ဆနဒပြလူငယ်များကို ညဖက်တွင် ဝင်ဖမ်းခြင်းများ ယနေ့ချိန်ထိ ရှိခဲ့ကြသည်။
ယခုရက်ပိုင်း ဗုံးပေါက်ကွဲမှုသည် မကြာခဏ ဖြစ်ပွားမှုဖြစ်ပြီး အုပ်ချုပ်ရေးမှူးရုံးများ စာသင်ကျောင်းများ ဌာနဆိုင်ရာ အဆောက်အဦးများမှာ မကြာခဏပေါက်ကွဲမှုဖြစ်ပွားခဲ့ပြီး စစ်ကောင်စီဘက်မှ သေဆုံးခဲ့ကြောင်းသိရသည်။
ယမန်နေ့ မေ (၂၀) ရက်တွင်လည်း သျှမ်းပြည်တောင်ပိုင်း တောင်ကြီးမြို့ရှိ မြို့မဈေးကြီးအနီးတွင် ဗုံးပေါက်ကွဲပြီး စစ်ကောင်စီ ရဲတပ်သား(၂) ဦးထိခိုက်ဒဏ်ရာရရှိခဲ့သည်။
Leave a Comments