သျှမ်းပြည် မြောက်ပိုင်း သီပေါမြို့ပေါ်ရောက်ရှိနေသည့် စစ်ဘေးရှောင် အမျိုးသမီးများအတွက် လစဉ်သုံးပစ္စည်းများ လိုအပ်နေကြောင်း စုံစမ်းသိရှိရသည်။
ဧပြီလ ၅ ရက်နေ့မှစပြီး တိုင်းရင်းသားလက်နက်ကိုင်အချင်းချင်း တိုက်ပွဲပြင်ထန်းမှုကြောင့် စစ်ဘေးရှောင် (၁၃၀၀)ကျော် ထွက်ပြေးတိမ်းရှောင်လာပြီး၊ ထိုထဲတွင် အမျိုးသမီးအများစုဖြစ်နေကြောင်း စစ်ဘေးရှောင် ကူညီပေးနေသည့် သူများက ပြောသည်။
“ အခု အလိုအပ်ဆုံးကတော့ အမျိုးသမီးသုံးပစ္စည်း။ ဒါကတော့သူအများသတိမထားမိကြဘူး။ တစ်ချို့က စားသောက်ဖို့ အရေးကြီးတယ်ဆိုပြီးတော့ စားစရာတွေဝယ်လာပေးတယ်။ ဒါပေမယ့်အမျိုးသမီးသုံးပစ္စည်းကလည်း လိုအပ်နေပါတယ်။” ဟု သီပေါမြို့ စစ်ဘေးရှောင်ကူညီပေးသည့် အမျိုးသမီး က ပြောသည်။
လက်ရှိ သီပေါမြို့ပေါ်ရှိ စစ်ဘေးရှောင်များကို အစားအသောက် ကို လာရောက်လှူဒါန်းပေးထားသော်လည်း အမျိုးသမီးများ အတွက် အသုံးလိုသည့် ပစ္စည်း လာရောက်လှူဒါန်းသူမရှိကြောင်း၊ လက်ရှိမှာ အမျိုးသမီး အသုံးအဆောင် ပစ္စည်းများ အရေးပေါ်လိုအပ်နေကြောင်းလည်း စစ်ဘေးရှောင်ကူညီနေသည့် အမျိုးသမီး က ဆိုသည်။
“ အမျိုးသမီး လစဉ်သုံးကတော့ အရေးပေါ်လိုအပ်နေတဲ့သဘောပါပဲ။ နောက် အမျိုးသမီး တွေထမီ၊ အတွင်းခံတွေလည်း လိုအပ်ပါတယ်” ဟု စစ်ဘေးရှောင်ကူညီနေသည့် သူတဦး ကပြောသည်။
စစ်ဘေးရှောင်များကို သီပေါမြို့နယ် ရေဟော်ကျောင်း၊ စားသုံးသူရေးရာဂိုးဒေါင်း၊ ပန်နေဘုန်းကြီးကျောင်း၊ ပန်နေ ဂိုးဒေါင်း၊ မန်လီကျောင်း စသည့်တို့နေရာတွင် စစ်ဘေးရှောင်းမျာလာရောက်ခိုးလှုံနေလျက်ရှိကြောင်းသိရသည်။
သီပေါမြို့ပေါ်သို့ထွက်ပြေးတိမ်းရှောင်လာသူ အများစု သည် နမ္မမတူမြို့နယ်အတွင်း ဖြစ်ပွားသည့်တိုက်ပွဲကြောင့် ရှောင်တိမ်းလာသူများဖြစ်သည်။
တိုက်ပွဲကြောင့် ပြည်သူများ စစ်ဘေးရှောင်လာရခြင်း ပြည်သူများ၏ နေအိမ်များကို စစ်ကောင်စီ အုပ်စုမှ ဝင်ရောက်မွှေနှောက်ပြီး ဒေသခံပြည်သူများ၏ ပစ္စည်းကို ခိုးယူသွားကြောင်းလည်း နမ္မတူမြို့နယ် ပန်လုံးကျေးရွာ ဒေသခံများ ပြောပြချက် အရသိရသည်။
“ ကျနော် သီပေါမှာစစ်ရှောင်ရောက်လာတဲ့ ကာလ မှာ ကျနော် အိမ်ကို ဝင်ပြီး မွှေနှောက်တယ်။ ကျနော် ဆိုင်က ပစ္စည်းတွေ လည်း ယူသွားတယ်။ ကင်မရာ၊ဖုန်း ၃ လုံးလောက်ပါသွားပါတယ်။ တန်းဖိုးကတော့ ၇ သိန်းဝန်းကျင်း လောက် ရှိတယ်” ဟု နမ္မတူမြို့နယ် ပန်လုံးကျေးရွာဒေသခံတစ်ဦးက ပြောသည်။
နမ္မတူမြို့နယ် အတွင်း တိုင်းရင်းသားလက်နက်ကိုင်အချင်းချင်းတိုက်ပွဲ ဆက်လက်တင်းမာနေပြီး၊ ဒေသခံ နေအိမ် တရာကျော် မီးရှု့ိ့ ဖျက်ဆီးခံခဲ့ရကြောင်း သိရသည်။
Leave a Comments