သျှမ်းပြည်မြောက်ပိုင်း ကွက်ခိုင်မြို့ စစ်ကောင်စီ နှင့် တိုင်းရင်းသား လက်နက်ကိုင် တပ်ပေါင်းစု တို့သည် ယနေ့ (မေ ၇)ရက် နေ့လည် ၂နာရီ မှစတင်ကာ တိုက်ပွဲ ဆက်လက် ဖြစ်ပွားနေကြောင သတင်းရရှိသည်။
ကွတ်ခိုင်မြို့နယ် နမ့်ခုံကျေးရွာ အနောက်ဘက် အနီးတဝှိက် စစ်ကောင်စီ အုပ်စု နှင့် ကိုးကန်း (MNDAA)၊ တအာင်း (ပလောင်) TNLA တို့ ပူးပေါင်းကာ တိုက်ပွဲဖြစ်ပွားကာ၊ စစ်ကောင်စီဘက်မှ လက်နက်ကြီးများဖြင့် ပစ်ခတ်တိုက်ခိုက်နေ ကြောင်း သိရသည်။
“ခုထိ ပစ်နေတုန်းပဲ။ ဗုံးခိုကျင်းထဲမှာ ရှောင်တိမ်းနေကြတယ်။ ထိခိုက် ဒဏ်ရာ ရရှိတဲ့သူတော့ မကြားသေးဘူး” ဟု ကွက်ခိုင်ဒေသခံ တစ်ဦး ကသျှမ်းသံတော်ဆင့် ကိုပြောသည်။
လက်ရှိအချိန်ထိ တိုက်ပွဲပြင်းထန်နေပြီး လက်နက်ကြီးဖြင့် ပစ်ခတ်နေသဖြင့် ဒေသခံ ပြည်သူများဗုံးခိုကျင်းများ ရှောင်ပုန်းနေရပြီး၊ ထိခိုက်ဒဏ်ရာရရှိသူ နှင့် အပျက်အစီးကို မသိရှိရသေးကြောင်း သိရသည်။
ကွတ်ခိုင်မြို့ နယ်အတွင်း မေ (၄) ရက် မှစတင်ကာ စစ်ရေး ပြင်းထန်ပြီး အရပ်သား (၅)ဦး ဒဏ်ရာရရှိကာ နေအိမ် (၅)လုံး လက်နက်ကြီးထိမှန်ခဲ့သည်။
မေ (၅)ရက် က ကွက်ခိုင်မြို့အဝင် စစ်ကောင်စီ ၏ စခန်းတခု ကို လက်နက်ကိုင် တပ်ပေါင်းစုမ မီးရှို့ဖျက်ဆီးခဲ့ကြောင်း သိရသည်။
Leave a Comments