သျှမ်းပြည်တောင်ပိုင်း တောင်ကြီးမြို့ ကံအောက်ရပ်ကွက်တွင် ယမန် ( ဧပြီ ၂၉ ) ညနေ့ ၃နာရီ အချိန်၌ အကြမ်းဖက် စစ်ကောင်စီ မှ လူငယ် တဦးကို ဖမ်းဆီးခေါ်ဆောင်သွားကြောင်း သတင်းရရှိသည်။
တောင်ကြီးမြို့ ကံအောက်ရပ်ကွက် ရွှေနှင်းဆီဝက်သားချဉ်ဆိုင်းအနီး အိမ်စီးကားဖြင့် လာရောက်ပြီး လူငယ် (၂)ဦး ကို ဖမ်းဆီးရန် ပြုလုပ်ရာ တဦးကို ဖမ်းမိပြီး တဦးမှာ ပြန်လည်လွှတ်လာကြောင်း တောင်ကြီးမြို့ နေ မျက်မြင်တဦး က သျှမ်းသံတော်ဆင့်ကို ပြောသည်။
“ လူငယ် (၂)ဦးကို စစ်ကောင်စီက ဖမ်းဆီးဖို့ ကြိုးစားတယ်။ တယောက်ပဲပါသွားတယ်။ တယောက်တော့ လွှတ်လာတယ်။ ဆံပင်ရှည်နဲ့ ကောင်းလေး ပါသွားတယ်။ ဘာကြောင့်ဖမ်းတာလဲတော့ မသိရသေးဘူး။” ဟု တောင်ကြီးမြို့ မျက်မြင်တွေ့ရှိသူက ပြောသည်။
အကြမ်းဖက်စစ်ကောင်စီသည် ယခုရက်ပိုင်း တောင်ကြီမြို့ အတွင်းရှိ ယမ်းလုပ်သည့် အိမ်များကို အဓိကဝင် ဖမ်းနေကြောင်း သိရသည်။
ဖေဖော်ဝါရီ ၁ ရက်နေ့မှ စစ်အာဏာလုယူပြီးနောက်ပိုင်း စစ်အာဏာဆန်ကျင်သူများ၊ နာမည်ကြီးပုဂ္ဂိုလ်များ၊ အနုပညာရှင်များ တို့ကို ရာဇသတ်ပုဒ်မ ၅၀၅ ကဖြင့် ဖမ်းဝရမ်းထုတ်ပြီး အပြစ်မဲ့ ပြည်သူများကို အကြောင်းမဲ့ဖမ်းဆီနေကြသည်။
ယခုနောက်ပိုင်းတွင် အကြမ်းဖက်စစ်ကောင်စီမှ အရပ်ဝတ်ဖြင့် ပြည်သူများ နေအိမ် အထိ အကြောင်းမဲ့ လိုက်လံဖမ်းဆီးခြင်း၊ ကားတိုက်ပြီး ဖမ်းဆီးခြင်း တို့ကိုပြုလုပ်ကြောင်း သိရသည်။
Leave a Comments