အာဏာသိမ်း စစ်ကောင်စီ ဖမ်းဆီးခေါ်ဆောင်သွားပြီး သေဆုံးသွားသည့် တောင်ကြီးလူငယ်တဦးကို ယာဉ်တိုက်မှုဖြင့် သေဆုံးသည် ဟု အာဏာသိမ်း စစ်ကောင်စီက ထုတ်ပြန်ကြေညာခဲ့ကြောင်း သတင်းရရှိသည်။
လွန်ခဲ့သည့် ဧပြီ (၄)ရက်တွင် တောင်ကြီးမြို့ညောင်ဖြူစခန်း အုပ်ချုပ်ရေးမှူးရုံး မီးလောင်ရာ သွားရောက်ကူငြိမ်းသက် ပေးသည့် ကိုအောင်ပိုင်သူ ကို အာဏာသိမ်းစစ်ကောင်စီ က ဖမ်းဆီးခေါ်ဆောင်သွားပြီး၊ ဧပြီ (၅)ရက်တွင် အာဏာသိမ်း စစ်ကောင်စီ က မိသားစုဝင်များကို အလောင်လာရောက်ထုတ်ပြန်ရန် သတင်းကြားခဲ့ကြောင်း မိသားစုဝင်များ ပြန်ပြောပြချက် အရသိရသည်။
ထိုကြောင့် ဧပြီ ၆ ရက်နေ့တွင် မိသားစုဝင်များက ကိုအောင်ပိုင်သူ ရုပ်အလောင်းကို သွားရောက်ထုတ်ယူကြကြောင်း သိရသည်။
“ ကိုအောင်ပိုင်သူကို သွားထုတ်တော့ ရဲ နဲ့ စစ်တပ်တွေကတော့ ယာဉ်တိုက်မှုကြောင့်သေဆုံးသွားတယ်လို့ပြောတယ်။ ခေါင်း နဲ့ အဆုတ်ကို ထိသွားပြီးသေသွားတယ်လို့ပြောတယ်။” ဟု မိသားစုဝင် တစ်ဦးကပြောသည်။
ထိုသို့ ကိုအောင်ပိုင်သူသည် ယာဉ်တိုက်မှုကြောင့် သေဆုံးသွားသည် မဟုတ်ကြောင်း၊ သတ်ဖြတ်မှုဖြင့်သာ သေဆုံးသွားရ ကြောင်း၊ ရုပ်အလောင်းကို ကြည့်ခြင်းဖြင့် သိနိုင်ကြောင်း တောင်ကြီးဒေသခံတစ်ဦးကပြောသည်။
“ ယာဉ်တိုက်မှုကြောင့်သေတာ လုံးဝမဖြစ်နိုင်ဘူး။ ခေါင်းကိုလည်း ရိုက်ခွဲထားတယ်။ လည်ပင်းအောက်ကနေ ချက်ထိခွဲထားတယ်။ နားရွက်ကလည်း ပြတ်လုနီးပါးရှိတယ်။ ကျောမှာလည်း ဓါးနဲခုတ်ထားတယ်။ ဒါတင်မကသေးဘူး ယောကျာ်းအင်္ဂါလည်း ဖြတ်ထားတယ်” ဟု အလောင်းကို မျက်မြင်တွေ့ရှိသူတဦးက သျှမ်းသံတော်ဆင့် ကို ပြောသည်။
ကိုအောင်ပိုင်သူတို့သည် မောင်နှမ ၆ ယောက်ရှိပြီး အငယ်ဆုံးသားဖြစ်ပြီး လာမည့် လတွင် မဂ်လာဆောင်ပွဲ လုပ်မည်ဟု လည်းသိရသည်။
လက်ရှိအချိန်တွင် ကိုအောင်ပိုင်းသူ ၏ မိခင်သည် ကျန်းမားရေးခြေနေဆိုးရွာနေကြောင်းသိရသည်။
“ ကျမတို့ မောင်နှမ ၆ ယောက်ရှိတယ်။ သူကတော့ အငယ်ဆုံးပေါ့။ နောက်လမှာဘဲသူကိ မိန်းမတောင်းပေးမလို့။ အမေကလည်းကျန်းမားရေးမကောင်းဘူး။ အောင်ဆီဂျင်နဲ့ အသက်ရှူနေရတယ်။ သူကိုမောင်လေးရဲ့ ခြေနေကိုတောင်း သိပ်မပြောပြရဲဘူး” ဟု မိသားစုဝင် တစ်ဦးကပြောသည်။
အလားတူ တောင်ကြီးမြို့တွင် မတ်လ ၂၈ ရက်နေ့က သေဆုံးသွားသည့် မောင်တည်မြဲလွန်းအလောင်းကိုလည်း အကြမ်းဖက်စစ်ကောင်စီမှ အလောင်းဖျောက် မီးသဂြိုဟ်ခဲ့ကြောင်းသိရသည်။
Leave a Comments