သျှမ်းပြည်မြောက်ပိုင်း ကျောက်မဲမြို့နယ်တွင်းရှိ မြောက်ပိုင်းမဟာမိတ် နှင့် သျှမ်းပြည်ပြန်လည်ထူထောင်ရေးကောင်စီ၊ ရှမ်းပြည်တပ်မတော် (RCSS/SSA) တို့ တိုက်ပွဲကြောင့် အရပ်သား(၅) ဦး သေဆုံးခဲ့ကြောင်း စုံစမ်းသိရှိရသည်။
ဖေဖော်ဝါရီ ဒုတိယပတ်မှ စတင်ပြီး ယနေ့ထိ နှစ်ဖက်တိုက်ပွဲ တင်းမာနေပြီး ဒေသခံ (၅) ဦး သေဆုံးပြီး (၃) ဦး ပြင်းထန်စွာ ဒဏ်ရာ ရရှိခဲ့ကြောင်း ကျောက်မဲ ပရဟိတကူညီပေးနေသူများက ပြောသည်။
“စစ်တပ် အာဏာသိမ်းပြီးတဲ့နောက်ပိုင်း မြောက်ပိုင်း မဟာမိတ်တပ်ဖွဲ့ နဲ့ RCSS/SSA တို့ တိုက်ပွဲပြင်းထန်စွာ ဖြစ်ပွားခဲ့တယ်။ အဲ့တိုက်ပွဲကြောင့် အမျိုးသား (၃)ဦး နဲ့ အမျိုးသမီး (၂)ဦးသေတယ်။ ထိခိုက်ဒဏ်ရာရသူတွေကတော့ ၃ဦးရှိတယ်” ဟု ကျောက်မဲ ပရဟိတကူညီပေးနေသည့် အမည်မဖော်လိုသူ တစ်ဦး ကပြောသည်။
အဆိုပါ တိုက်ပွဲကြောင့် သေဆုံးသူ ၅ ဦးသေဆုံးသူမှာ အမျိုးသား (၃) ဦး နှင့် အမျိုးသမီး (၂) ဦးဖြစ်ပြီး ထိခိုက်ဒဏ်ရာရသူမှာ အမျိုးသား (၁) ဦး နှင့် အမျိုးသမီး (၂) ဦး တို့ ဖြစ်ကြောင်း သိရသည်။
လက်ရှိချိန်ထိ တိုင်းရင်းသားလက်နက်ကိုင်အချင်းချင်းစစ်ရေး တင်းမာနေသေးသည့်အတွက် စစ်ဘေးဒုက္ခသည်များ မိမိနေရပ်သို့ ပြန်ရန် ခက်ခဲနေသေးကြောင်း၊ စစ်ရှောင်အတွက် အရေးပေါ် စားနိပ်ရိက္ခာလည်း လိုအပ်နေကြောင်း သိရသည်။
သျှမ်းပြည်မြောက်ပိုင်း ကျောက်မဲခရိုင်အတွင်း နမ္မမြို့နယ်အတွင်း တိုင်းရင်းသား လက်နက်ကိုင် တပ်ဖွဲ့အချင်းချင်း ဖြစ်ပွားသည့် တိုက်ပွဲကြောင့် စစ်ရှောင် (၁၀၀၀) နီးပါး ရှိကြောင်း သိရသည်။
ဖေဖော်ဝါရီလမှ စတင်ကာ လက်ရှိချိန်ထိ နှစ်ဖက်တပ် တိုက်ပွဲများ ဆက်လက် ဖြစ်ပွာနေသေးသဖြင့် စစ်ရှောင်များ နေရပ်သို့ မပြန်နိုင်သေးကြောင်း စစ်ရှောင် ကော်မတီ က ပြောဆိုလိုက်သည်။
