Monday, July 22, 2024

ကျောက်မဲမြို့နယ် ရှိ နေအိမ်တလုံးပေါ် လက်နက်ကြီးကျ အမျိုးသား တဦးသေ၊ အမျိုးသမီး ၂ဦး ကျည်ထိမှန်

Must read

သျှမ်းမြောက် ကျောက်မဲမြို့နယ် တော့ဆန်ကျေးရွာအုပ်စု ညောင်မောင်းကျေးရွာရှိ နေအိမ်ပေါ် တလုံးပေါ် ယနေ့ (မတ် ၂၃)ရက် မနက်ပိုင်းတွင် လက်နက်ကြီးကျသဖြင့် အရပ်သား တဦးသေဆုံးကာ၊ အမျိုးသမီး (၂)ဦး ကျည်ထိမှန်ပြီး လက်ရှိအချိန်ထိ တိုက်ပွဲကြားထဲ ပိတ်မိနေဆဲ ဟု သတင်းရရှိသည်။

ယနေ့ (မတ် ၂၃)ရက် မနက်ပိုင်းမှစကာ ကျောက်မဲမြို့နယ် အတွင်း တိုင်းရင်းသားလက်နက်ကိုင် တပ်ဖွဲ့များဖြစ်သည့် မြောက်ပိုင်းမဟာမိတ် တပ်ဖွဲ့ SSPP/SSA ၊ TNLA နှင့် သျှမ်းပြည်ပြန်လည်ထူထောင်ရေး ကောင်စီ၊ သျှမ်းပြည်တပ်မတော် (RCSS/SSA)တို့ တိုက်ပွဲဖြစ်ပွားကာ နေအိမ်တလုံးပေါ် လက်နက်ကြီးကျခဲ့ကြောင်း ကျောက်မဲမြို့မှ စစ်ရှောင်များကို ကူညီပေးနေသည့် သူများက ပြောသည်။

“ ဒီနေ့ တိုင်းရင်းလက်နက်ကိုင်အချင်းချင်းတိုက်ပွဲဖြစ်တယ်။ နေအိမ်တလုံပေါ် လက်နက်ကြီးကျတယ်။ အမျိုးသားတယောက်က ပွဲချင်းပြီးသေတယ်။ အမျိုးသမီး ၂ဦးကတော့ ကျည်ထိမှန်ထားတယ်။ ခုထိကျနော်တို့ ကယ်ထုတ်လို့မရဘူး။ ကျည်ထိတဲ့ ၂ယောက်အတွက် စိုးရိမ်နေရတယ်” ဟု ကျည်ထိမှန်သူကို သွားရောက်ကူညီမည့် သူတဦးက ဆိုသည်။

လက်နက်ကြီးထိမှန်ပြီး အမျိုးသားတဦး ပွဲချင်းပြီး သေဆုံးကာ၊ အမျိုးသမီး တဦးသည် တင်ပါး နှင့်ခါး ကျည်ထိမှန်ပြီး ၊ တဦးမှာ လက်ထိမှန်ထားကြောင်း၊ လက်ရှိအချိန်ထိ တိုက်ပွဲကြားထဲတွင်ပိတ်မိနေသေးသဖြင့် ကူညီကယ်ထုတ်ရန် ခက်ခဲနေကြောင်းလည်း ၎င်း က ဆိုသည်။

“ တိုက်ပွဲက ဖြစ်နေသေးတယ်။ ဒဏ်ရာရတဲ့သူတွေ အတွက် စိုးရိမ်ရတယ်။ သူတို့ကို ကယ်ထုတ်ဖို့ အတွက်လမ်းတွေပိတ်နေတယ်။ ခုထိ ရွာထဲမှာပဲရှိနေတုန်း” ဟု အထက်ပါ အမျိုးသားက ဆိုသည်။

သျှမ်းပြည်မြောက်ပိုင်း ကျောက်မဲမြို့နယ်နှင့် နမ္မတူမြို့နယ်အတွင်း တိုင်းရင်းသားအချင်းချင်းဖြစ်ပွားသည့်တိုက်ပွဲသည် ၂၀၂၀ ခုနစ် ဒီဇင်ဘာလကုန်ပိုင်းမှာစတင်ကာ တိုက်ပွဲဖြစ်ပွားခဲ့ပြီး ယနေ့ချိန်ထိတွေ့မှုများရှိကာ တိုက်ပွဲကြောင်း သေဆုံးသူများ ထိခိုက်ဒဏ်ရရှိသူများလည်း ရှိနေကြောင်းသိရသည်။

ထိုတိုက်ပွဲကြောင့် ကျောက်မဲမြို့နယ် နှင့် နမ္မတူမြို့နယ် အတွင်း တိုက်ပွဲကြောင့် စစ်ရှောင် ၁၅၀၀ ကျော် ထွက်ပြေးတိမ်းရှောင်နေရကြောင်းသိရသည်။

Leave a Comments

- Advertisement -spot_img

Latest article