သျှမ်းပြည်မြောက်ပိုင်း အောင်ပန်းမြို့ ယနေ့ (မတ် ၁၉ )ရက် မနက်ပိုင်းတွင် လူထုသပိတ် စစ်ကြောင်း ကို စစ်ကောင်စီ မှ သေနတ်ပစ် ဖြိုခွင်းမှုကြောင့် ပြည်သူ ၂ဦး ကျဆုံးသွားကြောင်း သတင်းရရှိသည်။
ယနေ့(မတ် ၁၉ )ရက် မနက်ပိုင်းတွင် အောင်ပန်းလူထုသပိတ်စစ်ကြောင်း ကို စစ်ကောင်စီ ၏ လက်နက်ကိုင်တပ်ဖွဲ့ က ကျည်အစစ်၊ အသံမိုင်း၊ မျက်ရည်ယိုဗုံးတို့ဖြင့် ပစ်ခတ်ဖြိုခွင်းမှုကြောင်း အမျိုးသား ၂ဦး ကျဆုံးသွားပြီး ၊ ထိခိုက်ဒဏ်ရာသအများအပြားရှိကြောင်း အောင်ပန်း ဆန္ဒပြသူတဦးက သျှမ်းသံတော်ဆင့်ကိုပြောသည်။
“ ကျည်ထိတာ ၃ယောက်၊ တယောက်ကတော့ ပွဲချင်းပြီးဆုံးတာ။ သေဆုံး တဦးက ဆီးအိမ်ထိ၊ တဦးကတော့ လည်ပင်းထိတယ်။ လောဆယ်တော့ အဖမ်းခံရတဲ့သူ ၇ဦးရှိတယ်။ လူနာတင်ယာဉ်တွေလည်း ဝင်လို့မရသေးဘူး” လို့ ဖြစ်စဉ်ကို မျက်မြင်တွေ့သူ က ဆက်လက်ပြောသည်။
တချို့ သတင်းမီဒီယာများတွင် ကျဆုံးသူ ၇ဦးရှိပြီး၊ ဒဏ်ရာရရှိသူ (၂၀) ဦးရှိကြောင်း ရေးသားဖော်ပြထားသည်။
အောင်ပန်း သတင်းနှင့် ပတ်သက်ပြီး ဆက်လက်မေးမြန်းကာအသေးစိတ်ကို ဖော်ပြသွားပါမည်။
