သျှမ်းပြည်တောင်ပိုင်း နမ့်စန်မြို့ တွင် ယနေ့(မတ် ၉ )ရက် မနက်ပိုင်းတွင် ဆန္ဒထုတ်ဖော်မည့် ပြည်သူကို ဖမ်းဆီးရန် စောင့်ဆိုင်နေသည့် ရဲတဦး သေနတ်ကျည်ထွက်ပြီး မိမိကိုယ်ကို ထိမှန်မှုဖြစ်ပွားခဲ့ကြောင်း သတင်းရရှိသည်။
ယနေ့ မနက် ၉ နာရီဝန်းကျင် တွင် နမ့်စန်မြို့ မြို့တော်ခန်းမရှေ့ စစ်အာဏာဆန့်ကျင်ဆန္ဒထုတ်ဖော်ရန် ပြည်သူများစုရပ်နေရာတွင် ရဲ၊စစ်တပ်မှ ဆန္ဒထုတ်ဖော်သူများကို ဖမ်းဆီးရန် စောင့်ဆိုင်းနေစဉ် ရဲကားပေါ်တွင် သေနတ်ကျည်ထွက်ပြီး မိမိကိုယ်ကို ထိမှန်မှု ဖြစ်ပွားခဲ့ကြောင်း နမ့်စန်မြို့ ဖြစ်စဉ်ကို မြင်တွေ့ခဲ့သည့် အမျိုးသား တဦးက ပြောသည်။
“ ဆန္ဒထုတ်ဖော်မယ့်သူတွေကို ဖမ်းဖို့သူတို့တွေ အစောကြီးကတည်းက ရောက်နေကြပြီ၊ ၉ နာရီဝန်းကျင်မှာ သေနတ်သံ တချက်ကြားလိုက်တယ်။ ရှေ့ဆုံးကားပေါ်က ရဲတဦးက ပြောင်းလွယ်လိုက်ရင်း ကျည်ထွက်သွားတာပါ။ မေ့စေ့ ကျည်ထိသွားတယ်လို့ ကြားရတယ်” ဟု အထက်ပါ အမျိုးသားက ပြောသည်။
သျှမ်းတောင် နမ့်စန်မြို့တွင် စစ်အာဏာရှင်ဆန့်ကျင်ဆန္ဒထုတ်ဖော်မှုကို ယနေ့ နားလိုက်ရကြောင်း၊ ဖမ်းဆီးခံရသည့် ပြည်သူမရှိကြောင်းလည်း သိရသည်။
Leave a Comments