တောင်ကြီးမြို့ပေါ် ဟိုတယ်တချို့ဗုံးထောင်ထားသည့် သတင်း ပြည်သူများအား ခြောက်လန့်ဟုဆို

0

ဖေဖော်ဝါရီ(၂၇) မနက် ၉ နာရီအချိန်တွင် တောင်ကြီးမြို့ UTC ဟိုတယ်နှင့် ကိုဆန်းငွေဆိုင်ကယ်ဆိုင်တို့တွင် အမည်မသိဖုန်းခေါ်ဆို မှုမှ တစ်ဆင့် ဗုံးထောင် ထားကြောင်း သိရသဖြင့် ရဲတပ်ဖွဲ့များမှ ရှာဖွေမှုများပြုလုပ်နေကြောင်း စုံစမ်း သိရှိရသည် ။

“ တောင်ကြီး မှာ ရုတ်ရုတ်သဲသဲဖြစ်တဲ့ အချိန်တိုင်း ဒီလိုဗုံးထောင်တဲ့ သတင်းက အမြဲ ကြားနေကြတာ ဒီမြို့ကလူတွေ အသိပဲ ခုလဲ သူတို့ဘာရည်ရွယ်ချက်နဲ့လုပ်လဲဆို တာ သူတို့ အသိဆုံးပေါ့ လူတွေ လမ်းပေါ် မထွက်ရဲအောင် လုပ်တဲ့ ဒီဆိုက်ဝါး တွေကို ပြည်သူတွေ အယုံ အကြည်မရှိပါဘူး ” ဟု သစ်တောရပ်ကွက်နေ တောင်ကြီး မြို့ခံတစ် ဦးကပြောသည် ။

ဗုံးထောင်ထား ကြောင်း သတင်းရသည် ဟုဆိုသည့် ဟိုတယ်လေးလုံးမှာ UTC ၊ ဂရေ့ ၊ ချယ်ရီကွင်း ၊ ရတနာနန်းတော် ဟိုတယ် ဖြစ်ပြီး ရဲတပ်ဖွဲ့ဝင်များမှ အဆိုပါ ဟိုတယ်(၄) လုံးအား ဗုံးရှာဖွေမှုများ ပြုလုပ်နေကြောင်း သိရှိရပါသည် ။

စစ်အာဏာရှင်ဆန့်ကျင်ရေး အနေနှင့် တောင်ကြီး မြို့ခံပြည်သူများမှ နေ့စဉ်နှင့် အမျှ လမ်းပေါ်ထွက်ကာ ဆန္ဒပြတောင်းဆိုမှုများပြုလုပ်လျှက်ရှိပြီး ၈၈ မျိုးစက်အဖွဲ့ဝင်များ နှင့် နိုင်ငံရေးတက်ကြွလှုပ်ရှားသူများ အား ရဲတပ်ဖွဲ့မှအကြောင်းမဲ့ ဖမ်းဆီး မှုများ ပြုလုပ် ခဲ့ကြောင်း သိရှိရသည် ။

Leave a Comments