သျှမ်းပြည်တောင်ပိုင်းလွိုင်လင်ခရိုင် နမ့်စန်မြို့နယ် ခိုလမ်မြို့နယ် ခွဲတွင် ယနေ့ CDM ဆန္ဒ ဖေါ်ထုတ် ပွဲ မှာ ပါဝင်သည့် လူငယ် သုံးဉီးအား ရဲတပ်ဖွဲ့မှ လာရောက်ဖမ်းဆီးခေါ်ဆောင် သွားကြောင်းကြား သိရသည်။
“စစ်သားတွေက အရပ်ဝတ်နဲ့လာတယ်။ ရဲတွေနဲ့ ရပ်ကွက်ထဲကိုလှည့်ပြီး ဉီးဆောင်သူဘယ်သူတွေလဲ ဆိုပြီး လိုက်ဖမ်းတာ” ဟု အမည်မဖေါ်လိုသည့် ရပ်မိရပ်ဖ တဉီးကပြောသည်။
ဖမ်းဆီးခံရသူ ၃ ဉီးမှာ ရပ်ကွက် ၁ က ကိုသံချောင်း၊ ကိုကုလား နှင့် ခိုလမ်ပြည်သူ့ ဆေးရုံက ဒေါက်တာ စောပြည်စိုး ဖြစ်သည်ဟုသိရသည်။
အာဏာသိမ်းစစ်အုပ်ချုပ်ရေးအလိုမရှိ ငြိမ်းချမ်းစွာ ဆန္ဒပြပွဲအား ယနေ့ ဖေဖေါ်ဝါရီလ ၁၁ ရက်နေ့ ပထမ ဉီးဆုံး ပွဲဉီးထွက် ခြင်းဖြစ်သည်။ ပါဝင်သူ လူ ၂၀၀ ကျော်ရှိပြီး ခိုလမ်မြို့ အထက ကျောင်းမှ မြို့မ ဈေးသို့ စီတန်းလှည့်ခဲ့ကြသည်။
ထို့အတူ ဆန္ဒပြသူ နမ့်စန်မြို့ ရပ်က ၂ က ဦးကိုထွေးကိုလဲ အာဏာသိမ်းတပ်က ယနေ့ လာရောက်ဖမ်းဆီးခေါ်ဆောင်သွားသည်။