ဒီမနက် Thai PBS ကနေ ဗမာ့အရေးကျွမ်းကျင်သူ နာမည်ကြီးသတင်းစာဆရာ ကဝိ ကျုံးကစ်ထာဝွန်း (Kavi Chongkijthavorn) နဲ့ ဗမာ့အာဏာသိမ်းပွဲ (သို့မဟုတ်အာဏာလွှဲပွဲ) ကိစ္စကိုဆွေးနွေးပါတယ်။

ကဝိမြင်ဒါက ဒီကိစ္စ ဖြစ်လာဒါဟာ ဘယ်လိုဘဲမဲကိစ္စအကြောင်းပြောပြော တစ်ဖက်ကတော့ မာနကိစ္စ ဖြစ်ပါတယ်။ “ခင်ဗျားက  ကျနော့ကို အလေးမထားယင် ကျနော်လဲ ခင်ဗျားကို ဘာအရေးထားစရာရှိလဲ” ဆိုတဲ့ကိစ္စဖြစ်တယ်။ အခြေခံဉပဒေမှာ “ကာ/လုံ”  ခေါ်တဲ့ အမျိုးသားကာကွယ်ရေးနဲ့လုံခြုံရေးကောင်စီ ကျင်းပဘို့ ပြဌာန်းထားတယ်။ ဒါကို ကျင်းပဘို့ တပ်မတော်က အကြိမ်ကြိမ် တောင်းဆိုပေမဲ့ မဖြစ်လာ ခဲ့ဘူး။ ဒီတော့ နှစ်ဖက်ရင်းနှီးမှုနဲ့ ယုံကြည်မှုကို မတည်ဆောက်နိုင်ခဲ့ဘူး။ ဒီကနေစပြီးဖြစ် လာဒါဖြစ်တယ်။

အခုပြဿနာကြီးမှာ ထိုင်းကအိမ်နီးချင်းအနေနဲ့ ဘယ်လိုကိုင်တွယ်မလဲ။ Asean ကရော ဘယ်လိုချဉ်း ကပ်မလဲဆိုတဲ့ကိစ္စဖြစ်တယ်။ ထိုင်းချည်းချည်းပဲလဲ အားမရှိဘူး။ Asean နောက်ခံရှိရမယ်။  Asean ကလည်း အင်အားကြီးနိုင်ငံတွေ ၀င်လာမှာစိုးရိမ်တယ်။ သူတို့၀င်လာယင် ဒီနိုင်ငံတွေရဲ့ လုံခြုံရေးကို လဲထိခိုက်မယ်။

ဒီကိစ္စနဲ့ပတ်သက်လို့ Nargis မုန်တိုင်းဖြစ်တဲ့ ၂၀၀၈ ခုနှစ်မှာလဲ ထိုင်းနိုင်ငံရေး၀န်ကြီး ကွယ်လွန်သူ ဆုရင်းဖစ်ဆု၀မ်း (Surin Pitsuwan)  က ထိုစဉ်က အုပ်ချုပ်နေတဲ့ဗမာ စစ်အစိုးရကို ကူညီဖို့ သွားကမ်း လှမ်းတယ်။ စစ်အစိုးရက ကနဉီးကလက်မခံဘူး။ ဒီတော့ ဆုရင်းကပြောတယ်။ “ ကျနော်တို့မကူညီယင် နိုင်ငံကြီးတွေက ၀င်လာမယ်။ အဲဒီအခါ ခင်ဗျားတို့နိုင်ငံလဲ ပြိုမှာပဲ” လို့ ပြောတော့မှ ကူညီခွင့်ပေး လာတယ်။

အခုလဲအတူတူပါပဲ။ ထိုင်းတို့ Asean တို့ကူညီခွင့်မရှိယင် နိုင်ငံကြီးတွေ၀င်လာမယ်။ အဲဒီအခါ ဗမာ တွင်မက Asean တစ်ခုလုံးလဲ လုံခြုံမှု ရှိတော့မှာမဟုတ်ဖူး။ ဒါကို ဗမာသိဘို့ လိုတယ်။

တစ်ဖက်မှာလဲ ဗမာဘက်က ဒီကိစ္စမှာ လက်ဉီးမှုယူသင့်တယ်။ ၂၀၁၄ ထိုင်းအာဏာသိမ်းမှုဖြစ်တော့ ထိုင်းကနေ Asean ဉက္ကဌ ဖြစ်တဲ့ ဗမာကို သတင်းပို့တယ် ။ အကူအညီတောင်းခံတယ်။  တခြား Asean အဖွဲ့၀င်တွေဆီလဲသွားတယ်။ ဒီတော့ Asean က ၀င်ပြီး တာ၀န်ယူတော့ ထိုင်းအခြေအနေကလဲ ရုပ်ပျက်ဆင်းပျက်မဖြစ်ပဲ ရပ်တည်နိုင်ခဲ့တယ်။ ဒါကို ဗမာဘက်က သိဘို့လိုတယ်ဟုပြောသွားပါတယ်။

ထို့အပြင်အာဏာသိမ်းခေါင်းဆောင်တွေ ဒေါ်စုနဲ့ သဘောတူညီချက်ရယူဘို့လဲ အကြံပြုတယ်။ ဘာပဲဖြစ် ဖြစ် ကြိုက်သည်ဖြစ်စေ မကြိုက်သည်ဖြစ်စေဗမာရဲ့ဒီမိုကရေစီ သင်္ကေတဟာ ဒေါ်စုပဲ။ ဒါကို ဖျက်ခြေဖို့ မလွယ်ရေးချမလွယ် ဖြစ်တယ်လို့ ထောက်ပြပါတယ်။

ဒါဟာ မစ္စတာ ကဝိရဲ့ ပြောကြားချက်ကို အတိုချုံးပြီး အားလုံးနားလည်အောင် ပြန်လည်တင်ပြခြင်းဖြစ် ပါတယ်။ ကြိုက်ယင်ယူ မကြိုက်ယင်မယူနဲ့ (Take it on leave it) ပေါ့။ သို့သော် ကြိုက်မယ်လို့မျှော်လင့်ပါ တယ်။

ခွန်းဆေ