ဖဲကြိုးနီ လှုပ်ရှားမှုတွင် ပါဝင်သည့် သျှမ်းပြည်တောင်ပိုင်း လွိုင်လင်မြို့ နယ် ဆေရုံးအုပ် ကို ရဲစခန်းမှ ယနေ့ (ဖေဖော်ဝါရီ ၆)ရက် ညနေ ၅နာရီ တွင် လာရောက်ဖမ်းဆီးသွားခဲ့ကြောင်း စုံစမ်းသိရသည်။
ယမန်နေ့ (ဖေဖော်ဝါရီ ၅) ရက် တွင် လွိုင်လင်မြို့နယ် ဆေးရုံမှ ကျန်းမာရေး ဝန်ထမ်းများသည် စစ်အာဏာရှင် စနစ် ကျဆုံးစေရေး နှင့် စစ်အာဏာရှင်လက်အောက်တွင် အလုပ်မလုပ်လိုတော့ ကြောင်း ဖဲကြိုးနီ (red ribbon) လှုပ်ရှားမှုကို ပြုလုပ်ကာ စစ်အာဏာရှင်ကို ဆန့်ကျင်ဆန္ဒပြခဲ့ကြသည်။
ထို့ကြောင့် ယနေ့ (ဖေဖော်ဝါရီ ၆)ရက် ညနေ ၅နာရီတွင် လွိုင်လင်မြို့မရဲစခန်းက လွိုင်လင် ဆေးရုံအုပ် ဒေါက်တာ မျိုးဇော်ကို လာရောက်ဖမ်းဆီးပြီး ရဲစခန်းသို့ ခေါ်ဆောင်းသွားခဲ့သည်။
“ ညနေ (၅)နာရီက ရဲတွေလာခေါ်တယ်။ ဆရာ့ကို ခံဝန်လက်မှတ်ရေးခိုင်းတယ်။ ဆရာတော့ ခံဝန်မရေးပေး ခဲ့ဘူး။ ည (၇)နာရီတော့ ပြန်လွှတ်လိုက်တယ်” ဟု လွိုင်လင်ဒေသခံအမျိုးသား တဦး က သျှမ်းသံတော်ဆင့်ကို ပြောသည်။
ဖေဖော်ဝါရီ ၁ရက် မနက်ပိုင်းတွင် တပ်မတော်မှ နိုင်ငံတော်၏ အာဏာကို သိမ်းယူပြီး၊ တပ်မတော် ကာကွယ်ရေး ဦးစီးချုပ်အမှူးပြုသည့် နိုင်ငံတော်စီမံအုပ်ချုပ်ရေးကောင်စီ ကို ဖွဲ့စည်းလိုက်သ ည်။
ထို့နောက် စစ်အာဏာရှင်လက်အောက်တွင် အလုပ်မလုပ်လိုတော့ကြောင်း အနယ်နယ်အရပ်ရပ် ဝန်ထမ်းများက ဖဲကြိုးနီ လှုပ်ရှားမှုဖြင့် အာဏာသိမ်း စစ်အစိုးရကို ဆန့်ကျင် ဆန္ဒပြမှုများပြုလုပ်လာကြသည်။
ထို့နည်းတူ မြန်မာပြည်သူများကလည်း စစ်အာဏာရှင်စနစ် ကျရှုံးရေးအတွက် ယနေ့ (ဖေဖော်ဝါရီ ၆)ရက် မှစတင်ကာ လမ်းပေါ်ထွက်ပြီး ဆန့်ကျင်ဆန္ဒပြမှုများစွာ ထွက်ပေါ်လာသည်။
ပြည်သူလူထုများ စစ်အာဏာရှင်ကို နည်းမျိုးစုံ ဆန့်ကျင်မှုပြုလုပ်လာသဖြင့် မြန်မာနိုင်ငံ ၏ အင်တာနက်လိုင်းများ ဖြတ်တောက်ခဲ့သည်။
