အင်ဒိုနီးရှားနိုင်ငံသို့သွားရောက်မည့် သျှမ်းပြည်နယ်အစိုးရအဖွဲ့ဝင် တိုင်းရင်းသားလူမျိုးရေးရာ ဝန်ကြီး (၃) ဦး အားညွှန်ကြားချက်နှင့် ကိုက်ညီမှုမရှိဟုဆိုကာ နိုင်ငံတော်သမ္မတရုံးမှ ခွင့်မပြုသည့် အကြောင်းကြားစာကို ဇွန်လ ၁ ရက်နေ့က ထုတ်ပြန်ထားသည်။
ဘေးကင်းစိတ်ချရသော အစားအသောက်ကိစ္စနှင့် ပတ်သက်၍ လေ့လာရေးခရီး သွားရောက်ရန်အတွက် ဇွန် လ ၃ ရက်နေ့မှ ၈ ရက်နေ့ အထိ အင်ဒိုနီးရှားနိုင်ငံသို့သွားရောက်ခွင့်ပြုရန်တင်ပြခြင်းအပေါ် နိုင်ငံတော် သမ္မတ ရုံး၏ ညွှန်ကြားချက်နှင့် ကိုက်ညီ မှုမရှိသောကြောင့် ခွင့်မပြုကြောင်း ထုတ်ပြန်ထားသည်ဟု ထုတ်ပြန်စာ အရ သိရသည် ။
အဆိုပါ ကိစ္စ နှင့်ပတ်သက်၍ အာခါတိုင်းရင်းသားလူမျိုးရေးရာဝန်ကြီး ဦးအာဗာလ အား သျှမ်းသံတော်ဆင့် မှဆက်သွယ်မေးမြန်းရာ ” ဒီကတင်လိုက်တာထင်တယ် အဲ့တာကို သူက ညွှန်ကြားချက်နဲ့ ကိုက်ညီမှု မရှိဆိုပြီး သမ္မတရုံးကသွားခွင့်မပြုတော့ဘူး ။ ထွေထွေထူးထူး ဘာမှတော့ပြောဖို့မရှိပါဘူး ၊ ကျနော်တို့က နိုင်ငံတော်ရဲ့ ဝန်ထမ်းဖြစ်တယ်လေ ၊ နောက်ပြီး ဒီကအစိုးရအဖွဲ့ဝင်ဖြစ်တဲ့အတွက် နိုင်ငံတော်သမ္မတရုံးကညွှန်ကြားတဲ့အ တိုင်းပဲပေါ့ ” – ဟု ၄င်းကပြန်လည် ဖြေကြားသည်။
ယင်းခရီးစဉ်တွင် အာခါ ၊ လားဟူ ၊ လီဆူ တိုင်းရင်းသားလူမျိုးရေးရာ ဝန်ကြီး (၃) ဦးအပါအဝင် အဖွဲ့ဝင်(၉) ဦးအား နိုင်ငံတော် သမ္မတရုံးမှ ညွှန်ကြားချက်နှင့် ကိုက်ညီမှု မရှိ သဖြင့် ခွင့်မပြုကြောင်း အကြောင်းကြား စာအား သျှမ်းပြည်နယ်အစိုးရအဖွဲ့မှတဆင့် ညွန်ကြားခဲ့ကြောင်း သိရှိရပါသည်။
Leave a Comments