သျှမ်းပြည် အရှေ့ပိုင်း တာချီလိတ်မြို့တွင် မူးယစ်ဆေးဝါးများကို ချက်ရာတွင် အသုံးပြုသည့် ကဖင်း ၆၀၂၅ ကီလို ဖမ်းဆီရမိကြောင်း စုံစမ်းသိရှိရသည်။
ယမန့်နေ ဇန်နဝါရီ ၂၇ ရက်နေ့ နံနက်၄ နာရီခန့်တွင် တာချီလိတ်မြို့ ဖန်မင်-ဝှေလေလန်လမ်း၊ လွမ်းစေတီဘုန်ကြီးကျောင်း အနီးတွင် မယ်လိပါကော်ကျေးရွာဘက်မှ ဖန်မင်ကျေးရွာဘက်သို့ မောင်းလားသည့် Vigo Champ (၁)စီး ကို ရပ်တန့် စစ်ဆေးနေချိန်၊ နောက်မှ လိုက်ပါလာသည့် မော်တော်ယာဉ် (၃)စီးသည် ပြန်လှည့်မောင်းနှင်သွားသည်။
ထွက်ပြေးသွားသည့် မော်တော်ယာဉ် (၃)စီးကို လိုက်လံ ပိတ်ဆို့ ပစ်ခတ်ရာ ယာဉ်မောင်း များသည် မော်တော်ယာဉ်ကို ထားခဲ့ပြီး လူလွှတ်ထွက်ပြေးသွားခဲ့ကြောင်း သိရသည်။
ထို ကား ၄ စီးထဲတွင် မူးယစ်ဆေးဝါးချက်ရာတွင် အသုံးပြုသည့် ကဖင်း ကီလို ၆၀၂၅ ကို သိမ်းဆည်းရပြီး၊ ပထမဆုံး ရပ်တန့် စစ်ဆေးခဲ့သည့် ယာဉ်ပေါ်မှ ယာဉ်မောင်း နှင့် ယာဉ်နောက်လိုက် ကိုသာ ဖမ်းဆီးနိုင်ခဲ့ပြီး၊ ကျန် (၃)စီးမှ ယာဉ်မောင်း နှင့် ယာဉ်နောက်လိုက်များ ထွက်ပြေး လွှတ်မြောက်သွားသည်။
ထို့ကြောင့် ပထမကား တွင် ပါလာသည့် မာထယ်(ခ) အလီးနှင့် ကျကျိုရှီးတို့ကို ဖမ်းဆီးရမိကာ ယောင်လိတ်နယ်မြေရဲကင်း စခန်းမှ မယ(ပ)၆/၂၀၂၁ ၊ မူးယစ်ဆေးဝါးနှင့် စိတ်ကို ပြောင်းလဲစေသော ဆေးဝါးဆိုင်ရာ ဥပဒေ ပုဒ်မ ၁၆ (ခ) /၂၁ ဖြင့် အမှုဖွင့် စစ်ဆေးဆောင်ရွက်နေကြောင်း သိရသည်။
Leave a Comments