သျှမ်းပြည်တဝှမ်းတွင် ကိုဗစ်-၁၉ ကူးစက်ခံရသည့် လူနာသစ် (၈) ဦး တိုးလာကြောင်း စုံစမ်းသိရှိရသည်။
ထိုလူနာ (၈) ဦးသည် သျှမ်းပြည်တောင်ပိုင်း ပြည်သူ့ကျန်းမာရေး ဓါတ်ခွဲမှုဌာနဆိုင်ရာ (တောင်ကြီး) မှ (၄) ဦး နှင့် သျှမ်းပြည်မြောက်ပိုင်း ပြည်သူ့ကျန်းမာရေး ဓါတ်ခွဲမှု ဌာနဆိုင်ရာ (မူဆယ်) ၄ ဦး တု့ိဖြစ်ကြောင်း ဇန်နဝါရီ (၂၁) ရက် ည (၈) နာရီ ကျန်းမာရေး နှင့် အားကစား ဝန်ကြီးဌာန ထုတ်ပြန်ချက်အရ သိရသည်။
ဇန်နဝါရီ (၂၀) ရက်နေ့အရ သျှမ်းပြည်တဝှမ်းတွင် ကူးစက်မြန် ကိုဗစ်-၁၉ အတည်ပြု လူနာ စုစုပေါင်း (၁၁၆၄) ဦး ရှိပြီး သေဆုံးသူ (၃) ဦး နှင့် ဆေးရုံဆင်းခွင့်ရသူ (၁၀၅၄) ဦး တို့ဖြစ်ကြောင်း သျှမ်းပြည်နယ် အစိုးရ အဖွဲ့ထံမှ စုံစမ်းသိရှိရသည်။
ပြည်ထောင်စု အားကစား နှင့် ကျန်းမာရေး ထုတ်ပြန်ချက်အရ ဇန်နဝါရီ (၂၁) ရက် ည (၈) နာရီတွင် မြန်မာနိုင်ငံ ကိုဗစ်-၁၉ အတည်ပြု လူနာအသစ် ( ၄၄၅) ဦး၊ ဆေးရုံဆင်းခွင့်ရသူ ( ၆၅၉ ) ဦး နှင့် သေဆုံးသူ (၁၆) ဦး ရှိကြောင်း ထုတ်ပြန်ချက်အရ သိရသည်။
မြန်မာနိုင်ငံ တဝှမ်းတွင် ကိုဗစ်-၁၉ ကူးစက်သူ စုစုပေါင်း (၁၃၆,၁၆၆) ဦး၊ ဆေးရုံဆင်းခွင့်ရသူ (၁၁၉,၉ ၇၃) ဦး နှင့် သေဆုံးသူ စုစုပေါင်း ( ၃၀၁၃) ဦးတို့ဖြစ်ကြောင်း ထုတ်ပြန်ချက်အရ သိရသည်။
အိန္ဒိယနိုင်ငံမှ မြန်မာနိုင်ငံသို့ ယနေ့ (ဇန်နဝါရီ ၂၂) ရက်တွင် ကိုဗစ်-၁၉ ရောက်ရှိလာမည်ဖြစ်ကြောင်း သိရသည်။
ထို ကိုဗစ်-၁၉ ကာကွယ်ဆေးများကို ကိုဗစ်-၁၉ ကာကွယ်ဆေးများကို ကျန်းမာရေးဝန်ထမ်းများနှင့် အစိုးရ အဖွဲ့ဝင်များအား ဦးစားပေး ထိုးနှံပေးမည် ဖြစ်ကြောင်း နိုင်ငံတော်၏ အတိုင်ပင်ခံ ပုဂ္ဂိုလ် ဒေါ်အောင်ဆန်းစုကြည် က ပြောဆိုလိုက်သည်။
