သျှမ်းပြည်နယ်တောင်ပိုင်း တောင်ကြီးမြို့ သစ်တောရပ်ကွက် အစိုးရရုံဟောင်းတွင် ဖွင့်လှစ်ထားသည့် ကိုဗစ်-၁၉ (RDT) စစ်ဆေးရေးဌာန၌ ယနေ့ထိ လာရောက်စစ်ဆေးသူများ ပိုးမတွေ့ရှိသေးကြောင်း စုံစမ်းသိရှိရသည်။
ထိုကိုဗစ် ၁၉ (RDT) စစ်ဆေးရေးဌာနသည် ဇန်နဝါရီ ၁၈ရက်နေ့မှ စတင်ဆေးစစ်ပေးခဲ့ပြီး၊ စစ်ဆေးသည့်အချိန်မှာ နံနက်(၉ နာရီခွဲ)မှ နေ့လည် ၁၂နာရီ တချိန်၊ နေ့လည် ၁နာရီ မှ မွန်းလွှဲ ၃နာရီခွဲ တချိန် စစ်ဆေးပေးကြောင်း၊ တရက်လျှင် အယောက် ၅၀ သာစစ်ဆေးပေးကြောင်း စုံစမ်းသိရသည်။
“ ဒီနေ့ထိတော့ ကိုဗစ်ပိုးတွေ့သူ မရှိသေးဘူး။ ဒီနေ့နဲဆိုရင် ၃ ရက်မြောက်ရှိပြီး။ တစ်ယောက်ကို ၁ သောင်းကျပ်ကုန်ကျပါတယ်။ ကိုယ့်ကိုယ်သံသရာရှိလို့ပဲဖြစ်ဖြစ် လာရောက်စစ်ကြပါတယ်” ဟု စစ်ဆေးရေးဌာနတွင် တာဝန်ကျနေသည့် အမျိုးသား တဦးက သျှမ်းသံတော်ဆင့် ကို ပြောသည်။
တောင်ကြီး ကိုဗစ်-၁၉ (RDT) စစ်ဆေးရာတွင် ခရီးသွားရန် အတွက် သာ စစ်ဆေးပေးတာမဟုတ်ကြောင်း ၊ကိုဗစ် ၁၉ ရှိ၊မရှိ သံသယရှိသူများလည်း စစ်ဆေးပေးနေကြောင်းသိရသည်။
“ ကျနော်တို့က ခရီးသွားဖို့စစ်ပေးတာတော့မဟုတ်ဘူး။ ဒါပေ့မယ့် လေကြောင်းလှိုင်းနဲသွားမယ့် ဆိုရင်တော့ ထောက်ခံချက်လုပ်ပေးတယ်။ ကားနဲ့ ဆိုင်ကယ်နဲသွားမယ့် သူဆိုရင်လည်း ထုတ်ပေးပါတယ်။ သူတို့က ရပ်ကွက်ထောက်ခံစာ တချက်ပြန်ယူရမှာပေါ့” ဟု ၎င်း အမျိုးသား ကပြောသည်။
သျှမ်းပြည်နယ်တွင် ဇန်နဝါရီ ၁၉ ရက်ထိ ကိုဗစ် ၁၉ ပိုးတွေ့လူနာ စုစုပေါင်း (၁၁၁၇) ဦး နှင့် လက်ရှိဆေးရုံတွင် ကုသနေသူ (၉၂) ရှိပြီး သေဆုံးသူ ၃ ဦးရှိကြောင်း ရှမ်းပြည်နယ်၊တောင်ကြီးမြို့ ပြည်နယ်ကုသရေးနှင့် ပြည်သူကျန်းမားရေးဦးစီးဌာန ကထုတ်ပြန်ထားကြောင်းသိရသည်။
