ထိုင်းနိုင်ငံ ဆူရတ်ဌာနီ ခရိုင်ရှိ ရဲစခန်းတခုတွင် ဖမ်းဆီးခံထားရသည့် မြန်မာအမျိုးသမီး တဦးကို ရဲအရာရှိ တဦး က မုဒိမ်းကျင့်ခဲ့ကြောင်း ထိုင်းနိုင်ငံ မီဒီယာများ ဖော်ပြချက် အရသိရသည်။
ထိုင်းနိုင်ငံ ဆူရတ်ဌာနီ ခရိုင်ရှိ ရဲစခန်း တခုတွင် မူးယစ်ဆေးဝါး သံသယဖြင့် ဖမ်းဆီးခံရသည့် အသက် ၂၁ နှစ်အရွယ် မြန်မာအမျိုးသမီးတစ်ဦးကို ရဲအရာရှိ တဦးက ဇန်နဝါရီ ၁၃ ရက် မနက် ၁နာရီ ၅၀မိနစ်မှ ၂နာရီခွဲထိ မုဒိမ်းကျင့်ခဲ့ကြောင်း ထိုင်းနိုင်ငံ The Nation သတင်းစာ ရေးသားချက် အရသိရသည်။
မြန်မာအမျိုးသမီးကို မုဒိမ်းကျင့်သည့် ရဲအရာရှိသည် ဆူရတ်ဌာနီရှိ နယ်မြေရဲစခန်းမှ စခန်းမှူးဖြစ်ပြီး၊ လက်ရှိမှာ အဆိုပါ အရာရှိကို ရာထူးမှ ဆိုင်းငံ့ရန်နှင့် စုံစမ်းစစ်ဆေးရေး အတွက် အခင်းဖြစ်သည့်နေ့မှ(၇)ရက်အတွင်း စစ်ဆေးရေးအဖွဲ့ ဖွဲ့စည်းပြီး စစ်ဆေးသွာူရန် ဆူရတ်ဌာနီ ရဲတပ်ဖွဲ့ အကြီးအကဲက ဇန်နဝါရီ ၁၃ ရက်က အမိန့်ထုတ်ခဲ့ကြောင်း The Nation သတင်းစာတွင် ဖော်ပြထားသည်။
အဆိုပါကိစ္စနှင့် ပတ်သက်ပြီး မြန်မာသံရုံးကို အကြောင်းကြားခဲ့ပြီးဖြစ်ကြောင်း၊ မြန်မာသံရုံးက ဘိုဖတ်ရဲစခန်းတွင် အမှုဖွင့်တိုင်ကြားခဲ့ကြောင်း သိရသည်။
ကျူးလွန်ခံရသည့် မြန်မာအမျိုးသမီးကို ကော့စွမီဆေးရုံတွင် ဆေးစစ်မှု များပြုလုပ်ခဲ့ကြောင်းသိရသည်။
