တာချီလိတ် တွင် လက်နက် နှင့် မူးယစ်ဆေးများ ဖမ်းဆီးရမိ

0

သျှမ်းပြည်နယ်အရှေ့ပိုင်းတာချီလိတ်မြို့နယ်၊ ဖန်မင်ကျေးရွာအုပ်စု၊ ဝမ်ကျောက်လုံရွာတွင် လက်နက်ခဲယမ်းနှင့် မူးယစ်ဆေးဝါးများကို ဖမ်းဆီးရမိကြောင်းစုံစမ်းသိရသည်။

ဖြစ်စဉ်မှာ ဇန်နဝါရီ ၆ ရက် ညနေပိုင်းအချိန်တွင် တာချီလိတ်မြို့နယ် ဖန်မင်ကျေးရွာ အုပ်စု ဝမ်ကျောက်လုံရွာ လွမ်းစေတီဘုန်းကြီးကျောင်းအနီး၌ စိုင်းရွက်မောင်းနှင်လာသည့် Honad fit မော်တော်ယာဉ်ကို ရပ်တန့်စစ်ဆေးရာတွင် အိုက်စ် ၁ ကီလို၊ ပစ္စတိုသေနတ် ၁ လက်၊ ကျည်အိမ် ၁ခု၊ ကျည် ၅ တောင့် တို့ကို တွေ့ရှိဖမ်းဆီရမိခဲ့ကြောင်း မူးယစ်ရဲတပ်ဖွဲ့ထုတ်ပြန်ချက် အရသိရသည်။

အဆိုပါ မူးယစ်ဆေးများသည် ဖန်မင်းကျေးရွာအုပ်စု၊ ဝမ်ကျောက်လုံရွာနေ အိုက်ခေါက်ထံက ဝယ်ယူခဲ့တာဖြစ်ကြောင်းသိရသည်။

ထိုကွင်းဆက်အနေဖြင့် အိုက်ခေါက်နေအိမ်ကို ဆက်လက် ဝင်ရောက်ရှာဖွေခဲ့ရာ အိမ်ရှေ့မှာ ရပ်တန့်ထားသည့် Fortuner မော်တော်ယာဉ်ပေါ် နှင့် နေအိမ်အနောက် မြေအောက်ခန်းအတွင်းတွင် လက်နက်ခဲယမ်းတွေနဲ့ မူးယစ်ဆေးဝါးအများပြားကို ဖမ်းဆီရမိခဲ့သည်။

ဖမ်းဆီးရမိသော စိတ်ကြွဆေးပြား ၁၆.၉သိန်းပြား၊ စိတ်ကြွဆေးမှုန့် ၅၈ ကီလို၊ အိုက်စ် ၈၇.၅ ကီလို၊ ဘိန်းဖြူ ၂၃.၁ ကီလို၊ မူးယစ်ဆေးဝါးချက်လုပ်ရာမှာ အသုံးပြု ပစ္စည်း၊ ဖျူစ်အပါ လက်ပစ်ဗုံး ၁ လုံးနှင့် ခဲယမ်း တွေကို တွေ့ရှိသိမ်းဆည်းရမိခဲ့ကြောင်း သိရသည်။

အိုက်ခေါက်အိမ် ဝင်ရောက်စစ်ဆေးရာတွင် လူမတွေ့ရှိဘဲ ပစ္စည်းများကိုသာ ဖမ်းဆီးရမိကြောင်း သိရသည်။

ထိုသူ(၂)ဦးကို ဟောင်လိတ်နယ်မြေရဲစခန်းမှာ မူးယစ်ဆေးဝါးဆိုင်ရာ ဥပဒေဖြင့် အမှုဖွင့် အရေးယူထားပြီး၊ အိုက်ခေါက် ကို သက်ဆိုင်ရာက လိုက်လံရှာဖွေနေဆဲ ဟု သိရသည်။

Leave a Comments