သျှမ်းပြည် အရှေ့ပိုင်း ကျိုင်းတုံ စက်မှုဇုန်ပြုလုပ်ရန် အတွက် နောင်ငင်းကျေးရွာတွင် သိမ်းဆည်းခံရသည့် မြေဧက ၅၅ နှင့် ပတသက်ပြီး သက်ဆိုင်ရာနှင့် မြေရှင်များ ညိနှိုင်းမှု အဆင်မပြေးသေးကြောင်း စုံစမ်းသိရသည်။
ယခုနှစ် ဇန်နဝါရီ ၆ ရက်တွင် နောင်ငင်းကျေးရွာ မြေ ၅၅ ဧက နှင့် ပတ်သက်ပြီး မြို့နယ် နှင့် ကျေးရွာ အုပ်ချုပ်ရေးမှူး မှ မြေရှင် ၂၃ဦးကို ခေါ်ဆိုကာ တဦးလျှင် ပေ (၈၀)ပြန်ပေးမည်ဟု ညှိနှိုင်းခဲ့သော်လည်း မြေရှင်များက သဘောမတူညီ ခဲ့ကြောင်း ကျိုင်းတုံမြို့ ရှမ်းတိုင်းရင်းသားများ ဒီမိုကရေစီ အဖွဲ့ချုပ် (SNLD) အတွင်းရေးမှူး လုံးစိုင်းကျောက် က သျှမ်းသံတော်ဆင့် ကို ပြောသည်။
“ ဇန်နဝါရီ (၆)ရက် က မြို့နယ်မှူး က ရွာသူကြီးနဲ အုပ်ချုပ်ရေးမှု ကိုခေါ်သွားတယ်။ မြေဧက ၅၅ ဧက ပိုင်တဲ့ ၂၃ဦး၊ တစ်ယောက်ကို ပေ ၈၀ ပတ်လည်ပေးမယ်လို့ ညှိုနှိုင်းလာခဲ့တယ်။ အဲဒါ ကျနော်တို့ သဘောမတူပါဘူး” ဟု က လုံးစိုင်းကျောက် က ပြောသည်။
အဆိုပါ မြေကို တစ်ဦးလျှင် ပေ ၈၀ ပေးရာတွင် မယူပါက တစ်ခြားနည်းဖြင့် ကိုင်တွယ်သွားဖို့ရှိကြောင်း ဒေသခံများကို ခြိမ်းခြောက်မှု ပြုလုပ်ခဲ့ကြောင်း သိရသည်။
ထိုမြေဧကပေါ် နှစ်ပေါင်းများစွာ ရှာဖွေစားသောက်လာသည့်အတွက် မြေကို သိမ်းဆည်းလိုက်ပါက ပြည်သူများအနေ ဖြင့် ရှာဖွေစားသောက်ရာတွင် အခက်အခဲများစွာ ရှိလာနိုင်ကြောင်း နောင်ငင်းကျေးရွာ ဒေသခံ အမျိုသား တဦး က သျှမ်းသံတော်ဆင့် ကို ပြောသည်။
“ အခု ၂၃ ဦးထဲမှာဆိုရင် တချို့က သားသမီး ၈ ယောက်လောက်ရှိတယ်။ တခုခုလုပ်ဖို့ဆိုရင်လည်း ဒီမြေကိုပဲအားကိုးရတယ်။ ဒီမြေမရှိရင် ဘာမှလုပ်လို့မရတော့ဘူး။ ဘာမှ မျှော်လင့်လို့ရတော့ဘူး” ဟု အထက်ပါ အမျိုးသား က ထပ်လောင်းပြောသည်။
နောင်ငင်းကျေးရွာရှိ မြေကို ဒီဇင်ဘာလ ၁၃ ရက်နေ့က တစ်ကြိမ် လာရောက်သိမ်ဆည်းပြီး ကျေးရွာအုပ်စုအုပ်ချုပ်ရေးမှ ပြည်သူများကို မကန့်ကွက်ရန် ခြိမ်းခြောက်ပြောဆိုခဲ့သေးသည်။
ကျိုင်းတုံ နောင်ငင်းကျေးရွာ ဒေသခံပိုင် မြေများကို ၁၉၉၅ ခုနှစ်တွင်လည်း တြိဂံတိုင်းစစ်ဌာနချုပ်မှသိမ်းဆည်းခဲ့ပြီး ဒေသခံများ ပြန်လည် တောင်းဆိုမှုကြောင့်၂၀၁၆ခုနစ်တွင် ဒေသခံများကို ပြန်လည်ပေးခဲ့သည်။
သို့သော် ထိုပြန်ပေးသည့်မြေကွက်များစာရွက်စာတမ်း ပုံစံ(၇)များကို အုပ်ချုပ်ရေးမှူးရုံးတွင် သိမ်းဆည်းထား ကြောင်းသိရသည်။
Leave a Comments